Seksi nuk është dashuri

Seksi nuk është dashuri

është thelbi dhe dukuria e ndërsjellë e shumë dëshirimeve

është drithërimë dhe përpëlitje e saj

seksi nuk është vetëm ëmbëlsira

është qershia e kuqe mbi të

seksi nuk është vetëm zveshja plot rrëmbim

apo e ngadalshme

është fryma e ngrohtë që valëvitet

seksi nuk është vetëm zbritja e brekëve

me durim apo pa të

është edhe gjetja e tyre në shtratin e hallakatur

është edhe shtrëngimi pas tollovisë së zjarrtë

me kokë lëshuar mbi gjoks

dhe përgjimi i rrahjeve të ngutshme të zemrës

sepse dashuria është

rrjedhim i shumë ndjenjave të brendshme

dhe ndijesive të njëkohshme të dyanshme

e seksi i shfaqjeve të jashtme 

sepse dashuria është trungu

e seksi gjethi që zbehet dhe bie

Mos fik qiriun

me shqelm hapa derën
dhe dola 
lart ishte përhimtë
poshtë ende blertë
aty ndërmejt ndeze ti qiriun
dhe shih
u bë dritë
dhe flakërinë ende në hapsirë

Ji e mirë me lirinë

ji e mirë edhe ndaj sedrës tënde
thash unë 
ji e mirë edhe me mua
shtova pastaj
edhe ndaj luleve të vyshkura
ji e mirë ndaj zanafillës
bërtiat unë
sespe  zanafilla jam unë
e dashurisë 
dhe e greminës
sespe çdo gjë është në rrjedh dhe zhbërje
si jeta
ashtu dhe vdekja
sespe jemi gjallërimi dhe gati vdekja njëkohësisht
prandaj 
ji e mirë ndaj dashurisë
ashtu si furtuna 
ashtu dhe ndjenja
mund ta shuajë qiriun
dhe ti hidh vallen lëndimthi tutje