1.
Shqipëria
përpiqet
te behet shtet.
Kosova shtiret se është
shtet. Maqedonia është
shtet Mafioz. Serbia është
shtet
psikopatologjik. Bosnja një
shtet paranoid.
Mali Zi melankolik.
Greqia është një shtet kleptokratik.
Sikur ato qindra miliarda t'iu kishin falur popullit grek, jo shtetit
grek, sot ekonomia greke do të ishte në një gjendje shumë më të
mirë. Mali Zi është i trishtuar nga pakica serbe, që do ta
zhbënte atë me gjithë dëshirë, por pret çastin dhe urdhrin.
Bosnja ndjehet e zymtë, plot frikë dhe e persekutuar. Serbia ka
probleme të mëdha për të zbritur në tokë dhe vuan seriozisht
nga çrregullimet të rënda psikike. Maqedonia sundohet nga klanet
mafioze, në qeveri dhe opozitë. Shteti Kosovës tregon ekzistencën
në facebook, tv dhe në ndonjë takim ndërkombëtar, por i forti
mund ta pezullojë Kodin Penal. Shqipëria akoma nuk mund të
shkëputet nga administrata e modelit osman. Në
fakt ai lloj adiministrate, ekziston në krejt Ballkanin.
Kënaqësinë
e atyre politikanëve patriotë makiavelistë në Ballkan, paguan
populli me një depresion kolektiv.
2.
Nga fjalimet e Sali Berishës dhe Hashim Thaçit, nuk ka mbijetuar
asnjë mendim, që mund të përmendet apo përdoret. As Isa Mustafa
nuk ishte në gjendje më të mirë. Edhe ky dërdëllis ide
sugjestionuese dhe manipuluese në shërbim të karrierës. Si dy të
parët. Në atë derexhe është edhe Nishani. Pozitat e tyre kanë
shumë më shumë peshë, se sa ata aftësi intelektuale. Me çdo
mendim përpiqen ta përforcojnë mbetjen në pushtet. Aty ndërmjet,
herë pas here, punësojnë ndonjë të afërm.
3.
Thaçi për mediat franceze: "Jam president i vendit që ka
dhënë “Nënë Terezën.”Por ti ishe edhe kryeministër i
vendit, ku u rekrutuan terroristë dhe, sot je kryetar i nja 300
shqiptarëve, që vrasin arab. Kryetar i Nënë Terezës nuk mund të
ishe, por u bëre kryetar edhe i ekstremistëve, çfarë nuk duhej të
bëheshe! Para Erdoganit mburret me Naim Tërnavën, tek perëndimorët
me Nënë Terezën…
4
"Në Kosovë nuk do të ketë zgjedhje serbe, por do të ketë
vetëm grumbullim të votave nga ana e OSBE-së”, Isa Mustafa. Ky
ose është gjenial sa nuk e kuptojmë, ose është i bindur, se
sundon një duduk-tutkun milet. Aty ku votohet, quhen zgjedhje të
lira. Pas votimit, quhet grumbullim i votave! Qytetarët e Kosovës
votojnë për Skupshtinën serbe. Nëse ato zgjedhje quhen
grumbullim, atëherë edhe në Serbi, nuk paska zgjedhje, sepse edhe
atje, grumbullohen votat për t' u numëruar.
5.
Mendimet legjendare të prillit: Thaçi – Delawies: "Do të
angazhohem për ta luftuar korrupsionin!" Pikëçuditje në
fund! Presidenti, Hashim Thaçi: "Të largohen ndikimet partiake
nga bordet e agjencive të pavarura dhe të ndërmarrjeve publike!"
Pikëmahnitëse!'
Kur
prodhuesi i korrupsionit, zotohet për të luftuar frytet e veta, nuk
mjafton një pikëçuditje, por duhet edhe një pikëhipokrite, që
do të mund të shprehej me prapëtimin e pikëçuditjes!
¡¡¡Atención!!! Të korruptuarit janë të bindur se Thaçi nuk
lufton veten, as ata që kanë ndihmuar atë. Prandaj, këto
deklarata të prillit, bëhen për të treguar se sa shumë dëshirë
ka për t'u bërë i drejtë, çfarë refuzoi, kur kishte pushtet.
Mendimi i Thaçit mund të përkthehet kështu: Thaçi i thotë
Delawies: " Do të angazhohem të motivojë qelizat kanceroze të
bëjnë vetëvrasje!!! Ose, Hashim Thaçi shprehu dëshirën që
qelizat kanceroze, të braktisin gjymtyrë e pavarura të trupit!
Nëse nuk e bëjnë, nga zhgënjimi madh, si rrugëdalje e fundit,
Thaçi do të kërkojë, qelizat kanceroze të vrasin njëra tjetrën.
Me pushtetin ekzekutiv, që ka tani, kjo mund të realizohet shpejt!
¡¡¡Atención!!! Thaçi po sillet si Erdogani, ose përpiqet të
minojë veprimin e Qeverisë. Si zonja Atifete që është ai tani,
bazuar në kushtet, ka kompetenca të një hanëme, por jo të një
burri që duhet të luftojë. Pikëhipokrite ¡¡¡Atención!!!
Ndoshta edhe i drejtohet Mustafës, me një ligjërim paradoksal, por
intuitiv për të: të mos prekë të korruptuarit dhe bordet e
pavarura, sepse mund t'i dalë punë me të.
6.
Mustafa: “Kushtetuta e Kosovës modeli më i avancuar i
demokracisë.” Kushtetuta e avancuar, nuk është tregues pozitiv i
një shteti, por zbatimi saj. Kushtetutës i duhen edhe njerëz të
avancuar, përndryshe një kushtetutë e avancuar, në një shtet
fisnor, me politikanë të retarduar, më shumë mund të shërbej ai
libër si letër për ta ndezur zjarrin, se sa për t' u bazuar në
të. Në Kosovë jetohet sikur të mos kishte Kushtetutë fare.
Kushtetua thotë se njerëzit janë barabartë para ligjit, por në
Kosovë, të pushtetshmit qëndrojnë mbi Kushtetutën. Fakti se në
Kosovë Kushtetuta konsiderohet libër i i pa vlerë, është
prezenca e Eulexit dhe formimi i Gjykatës Speciale.
7.
Nëse shpallim Skënderbeun serb siç e quajnë vahabistët, atëherë
shpallim popullin shqiptar me origjinë sllave. Skënderbeu ka
mbrojtur atë çfarë ishte populli i vetë. Çdo popull mbron
gjendjen e vet në çastin kur kërkohet nevoja, e nuk mbron atë që
nuk ekziston, ose që do të shfaqet disa shekuj më vonë. Fundi i
fundit, ai nuk luftoi në Serbi.
8.
Duket se nuk ka poet shqiptar, që nuk i ka kushtuar poezi nënës,
por rallë u kanë shkruar grave të veta. Ose, pak janë ato poezi,
që mbahen mend për goditjen e poetit nga ai emocion i madh. Duket
se është pasojë kulturore, sociale: e martesave pa dashuri. Dhe,
në të shumtën e rasteve, poezitë kushtuar nënës, shprehin një
ndjenjë sublime ditën e vdekjes. Metaforat që përdoren, që nga
puhiza deri tek engjëllusha, në metatekst shprehin krejt keqardhjen
dhe pamundësinë për të ndikuar rnë fatin e saj. Poetët, që
kushtojnë poezi për humbjen, vdekjen, por jo edhe për lindjen,
dashurinë, flasin shkoqur për një ndërgjegje të lënduar, për
një empati të madhe dhe për diskriminim në qelizën e parë të
një populli, në familje. Poezitë mund të kuptohen edhe si
shprehje keqardhjeje dhe një dëmshpërblim i vonuar dhe pa ndonjë
vlerë për të vdekurën. Ali Podrimja në poezinë e tij "Ti
dhe uji", thotë: "Unë gjithmonë ia kam frikën edhe
Lules edhe Femrës." Ai mendim përligj shtypjen e saj si
bashkëshorte, e pastaj vajtohet nga fëmijët në rolin e nënës,
por burrat pa ndryshuar kopjimin e babait, në raport me nënën e
fëmijëve të vet. Sepse duhet pasur frikë nga femra, derisa nuk
bëhet vetëm nënë...
9.
"Jahjaga do t’i dorëzojë presidentit të ardhshëm një
kopje të Kushtetutës së Kosovës." Ndoshta Thaçi lexon
Kushtetutën si kryetar i Kosovës, sepse si kryeministër, ka punuar
siç i konvenonte dhe as që i ka rënë ndërmend, se Kosova ka
ligje, që sanksionojnë krimin, nepotizmin dhe korrupsionin. Edhe
nëse e mëson përmendsh, nuk mund të ndryshojë diçka, por së
paku, mund t'i gjejë nenet, që do t'ishte dashur të zbatohen,
sikur të kishte ndërtuar shtetin ligjor. Sidoqoftë, tek partitë
tona fisnore, din çdo njeri, se Thaçi praktikisht do të jetë
kryetar edhe i PDK-ës. Siç është Albini i VV dhe Berisha i PD-ës.
Tek ne kryetarët lëshojnë një karrige, vetëm pasi të kenë
ngujuar një zvarranik të pa kurriz dhe të komandueshëm pas vete.
Tek ne nuk rrëzohen edhe për vepra penale. Arsyeja? Zvarranikët
pas tij, nuk kanë ambicie politike, ata që kanë, nuk mund t'i
afrohen kryesisë. Shikoni një herë çfarë ka lënë pas vete
Arbër Xhaferi dhe Rugova...
10.
Gazeta shqiptare online, duhet ta bëjnë leximin me pagesë, qoftë
edhe një euro në muaj. Në perëndim shumë gazeta, nuk mund më të
lexohen falas. Me kalimin me pagesë dhe shfaqjen vetëm të titujve
me dy rreshta, krijohet gazetari e klasit të parë dhe distancohen
nga portalet e klasit të dytë. Portalet online, që përpiqen të
mbijetojnë shumë herë duke kopjuar dhe duke sjellë shkrime të
pavërteta, nuk do të merreshin më seriozisht. Derisa të vazhdojë
kështu, atëherë gazetat serioze, fizike dhe online, do të
dëmtohen, sepse nuk do të kujdesen për cilësinë, por për numrin
e vizitorëve. Nëse vazhdon kështu, atëherë gazetat serioze, do
të dëmtohen dhe humbin luftën në treg, edhe atë, nga gazetaria
klandestine. Shtypi i mirë nuk lufton për klikime, por për
besueshmëri.
11.
Në vendet e mjera intelektualisht, i mençuri ka vetëm tri mundësi
në jetë:
1.Të bëhet derr i lumtur dhe të vihet në shërbim
të injorancës së pasur.
2.Të vuajë si Sokrat, por të vdesë
me dinjitet.
3.Të braktisë sa më shpejtë vendin.
Qëndrimi
parë shndërron intelektualin në poçavër, sepse duhet të
gjykojë, si i pëlqen injorantit, të cilit i shërben. Qëndrimi
dytë e shndërron në shëmbëlltyrë dhe viktimë. Qëndrimi i
tretë i dhuron mundësinë e veprimit, pa dhe nën këmbë mirëpo,
çfarë atdhetarët i kanë mohuar brenda. Kombet e bashkuara
raportojnë se kur 20.000 veta me kualifikime të larta braktisin
vendin, ai vend, pëson një humbje prej katër miliardave dollarë
në vit. Atdhetarët mirëpo nuk duan 4 miliard dollarë në vit.
Mosprania e 20.000 vetave me kualifikime të larta, u garanton atyre
pushtet të përjetshëm.
13.
Disa analistë paskan quajtur tradhti ndaj LDK-ës, koalicionin
eventual të PDK-ës në të ardhmen me AAK-në. Mustafa ka ditur për
një mundësi të tillë, por pa pranuar 'abuzimin', nuk do të bëhej
kurrë kryeministër. Domethënë, duke u 'abuzuar', ka përfituar
diçka. Këtë populli do ta shpjegonte me: "m'rrove, t'rrova,
brisku i Hashimit." Për njeriun me dinjitet është, si kur një
burrë, dhunohet nga një tjetër burrë, por duke u larguar
dhunuesi, hedh te këmbët e të dhunuarit lekë, ose e
falënderon për kënaqësinë! I dhunuari kthehet si poçavër në
shtëpi, por lekët, ose falënderimi, e ngushëllojnë aq shumë, sa
ai arsyeton abuzimin.
14.
Kur mbrohej komunizmi, mbroheshin uzurpatorët e pushtetit. Kur
mbrojmë demokracinë, mbrojmë të drejtat tona vetjake. Kur nuk
mbrojmë të drejtat tona individuale, i hapim rrugën diktaturës
ose kaosit.
15.
Rezultati i imazhit të keq të Kosovës gjatë sundimit të Thaçit
dhe propagandës anti perëndimore, është Autonomia serbe!
16.
"Telefoni i mençur", ky është togfjalëshi më i trashë,
që lexohet nëpër gazeta. A thua televizori, frigoriferi, nxehja
qendrore, rryma, aparati fotografik, kompjuteri, poçi, antena,
pajisjet elektrike nëpër spitale qenkan injorante? Një pajisje,
një aparat, nuk mund të jetë as i mençur, as injorant, sepse pa
njeriun, është gjësend, që as funksionon, e as nuk mëson.
Keine Kommentare:
Kommentar veröffentlichen