Burri po vdes, e gruaja?

Një grua shoqëron burrin e saj tek mjeku. Pas një kontrolli që zgjati gati gjysmë ore,  mjeku thërret vetëm bashkëshorten në dhomë për kosnulltime dhe i thotë:”Burri juaj është në gjendje shumë të trishtueshme. Ai vuan nga një sëmundje shumë e rëndë, që zakonisht shkaktohet nga stresi. Për ta shpëtuar burrin nga vdekja, Ju duhet t’ i respektoni këto udhëzime, përndryshe ai nuk ka shpëtim. Gruaja e vështoi e habitur dhe dëgjoi me vëmendje.

"Çdo mëngjes përgatitni një kafjall shumë të mirë. Kur niset në punë, jepni me vete një drekë shumë të shijshme, me shumë vitamina, që i pëlqen atij dhe natyrisht, edhe për darkë gatuani diçka të veçantë. Mos e nervozoni, mos e shqetësoni me problemet e vogla të përditshme, që mund ta keqësojnë dhe rrisin stresin tek ai. Mos ngurroni t' i bëni masazh, sa herë ta shihni të lodhur. 

Mos flitni kurrë me burrin për probleme. Para se gjithash, ai duhet të shikojë shumë sport në televizor dhe gjëja më e rëndësishme, kënaqeni disa herë në javë me seks të mirë, që nuk mund ta harrojë lehtë. Nëse praktikoni këtë terapi për dhjetë muaj, zonjë e nderuar, burri juaj do të shërohet nga kjo sëmundje vdekjeprurëse."

Duke shkuar në shtëpi, burri pyet bashkëshorten:” Çka të tha mjeku në dhomë?” 

Ah, i dashur”, psherëtiu ajo, “mjeku më tha se nuk të kanë mbetur shumë ditë, për fat të keq të ka ardhur fundi i dashur...do të vdesësh së shpejti...Eh, jeta i dashur, jeta. Një ditë do të ikim të gjithë..."

Nga gjermanishtja Lis Bukuroca