Shtatë pikat e PDK-së

 Pika 1.

„Kuvendi shpreh shqetësim.“

Gjykata nuk merret me shqetësimet e Kuvendit. Ajo merret me akuzat, provat dhe ligjin. Shqetësimi politik nuk është argument juridik, por ndërtimi asaj Gjykate nga vetë Kuvendi i Kosovës ka prodhuar procesin gjyqësor dhe pasojat juridike.

Pra, Kuvendi mund të shprehë shqetësimin e tij, por me shqetësim nuk ndryshohen as provat, as vendimi i Gjykatës.  

Pika 2.

Unë po çuditem, e ti?

Pesë vjet, ata që e votuan, nuk e ndryshuan ligjin për Gjykatën e Posaçme.Diku gjashtë vjet të tjera, gjatë paraburgimit, nuk ndërmorën asgjë. 

Asnjë nismë.

Asnjë projektligj.

Pasi u shpallën dënimet, e kuptuan mirë se ata qenkan vërtet në burg.

Prandaj, tani, vetëm tani, e sollën projektligjin për t’ia zvogëluar kompetencat Gjykatës së Posaçme të Kosovës në Hagë. 

Nisma u dorëzua më 21 shtator, pesë ditë pas aktgjykimit të shkallës së parë. 

Super-Kurti ju shpëtoftë!

O besimtarë të mrekullive politike!

„Na duhen aleatët për ta zhbërë Gjykatën!“, thotë Ganimetja.

Po, a nuk e bëtë ju Gjykatën nën presionin e aleatëve, zonjë e madhe, gjeniale? Apo besoni se edhe ata janë si ju?!

Marrin vendime, pastaj pendohen!?

I kuptoni dëmet e mëdha vetëm pas një dekade dhe u revoltuat, jo atëherë kur duhej, por pasi përfundoi procesi.

Fytyrat e paftyra

Ja ku kemi mbërritur moralisht:

Fytyrat e pfytyra nuk skuqen më;
turpi nuk ekziston,
as ndërgjegjja,
ndërsa pafytyrësia konsiderohet parim moral.

Kur nuk ka më as turp për t’u turpëruar,
as vetëdije për t’u ndërgjegjësuar,
as sinqeritet për të parë përgjegjësinë vetjake,
logjike,
nuk do të ketë as fytyrë për t’u skuqur!

Injoranca klinike

E votuan.

E pranuan.

Heshtën.

PDK, LDK, Lista Serbe.

E pranuat Gjykatën Speciale dhe mburreshit me vizitat në Hagë.

Por një gjë nuk e bëtë: nuk e çuat kurrë në Kuvend një iniciativë për ta zhbërë atë Gjykatë që e zyrtarizuat ju.