Më i larti ishte muri i Vizatimorit; mbi tri metra, ndoshta edhe katër. Postieri e shihte gazepin për ta hedhur një letër në oborr. Ai kërcente për ta hedhur brenda, por ajo i kthehej prapa. Ai murmuriste vet me vete dhe kërcente përsëri. Fqinjin tonë ne fëmijët e quanim Vizatimor, pastë ndjesë, sepse hundën e pat pasur të gjatë dhe të shtrembër, mu si ato si nëpër filma vizatimorë.
2.
Gruja e ka shti dreçin n’shishe*
- Po gabon me besimin e madh për grat…
- Pse?
- Po gruja e ka shti dreçin nshishe
- E besojnë disa burra për t‘i dehumanizuar gratë…
- Jo, aj mendim asht i vertet…
- Mendon se gruaja është më e mençur se djalli?
- Po, ma dreç ...
- A domethënë se nëna ime dhe e jotja ishin më dreq se dreqi?
- Jo, nanat tona, gratë po menoj…
- Po, a janë burra nënat tona?
- Jo, dashta me than se grat jan çasi, jo nanat…
- Bashkëshortet mendon?
- Po, bashkëshortet…
- Bukur shumë…
- Pse?
- Po edhe nënat tona qenkan ma dreq se dreqi…
- Jo, na tham se gratë…
- Dakord, por nënat tona janë bashkëshorte të etërve tanë dhe për ta janë krye-dreqër, apo jo?
- Jo nanat jan melaçe
- E trajton babi yt nënën tënde si engjëllushe apo si grua?
- Jo, si grue…
- U kuptuam!
- Çysh?
- Zakonisht burri që urren gruan dhe që nuk ka besim në vetvete, vuan nga komplekset e vogëlsisë dhe për ta ngritur veten më lartë, shtyp e zvogëlon bashkëshorten e vet.
- Pse?
- Sepse nëse e konsideron engjëllushe, si nėnën e vet, nuk mund ta shajë, ta diskriminojë dhe ta rrahë bashkëshorten! Pra, për ta përligjur keqtrajtimin duhet t‘ia anulojë asaj tiparet njerëzore dhe ta shpallë krye-dreq ose kurvë: të lehtë, të luhatshme, të gatshme për seks, injorante etj., etj.
- Ah, tash ma tollovite krejt…
- Jo, ai mendim mizogjin është shpikje e një burri pa bole, i cili kërkonte motiv të përhershëm, të përgjithmonshëm për ta kontrolluar dhe shtypur gruan… Gruaja është mirëpo edhe motër, hallë, nënë, bijë etj., jo vetëm bashkëshorte. Kuptove tani?
- Menon se duna me ndryshue unë?
- Ti je vonuar tepër shumë! Shko e kërkoj falje në prani të fëmijëve!
- Para fmive?
- Po, në gjunjë!
- Hahaha, e pse?
- Ua mëson fëmijëve tu pendimin dhe kërkimin e ndjesës...
- O kukuk për mue…
- Nënën e fëmijëve tu trajtoje me më shumë dashuri e përkëdheli sesa nënën tënde! Me atë ke krijuar familje…
- E si mos t’muj?
- Nëse nuk mundesh, e humb bashkëshorten dhe domosdoshmërish edhe fëmijët! Aq sa dashuri i dhuron nënës së fëmijëve tu, aq dashuri të falin fëmijët ty nesër. Dhe, mos i flit kurrë keq për nënën.
- Kurrë, hahah…
- Kurrë, hahah, mue mpëlçen me kritikue kur jan ata me neve…
- E di!
- Nga e di?
- Thamë më parë se burri me komplekse mundohet ta zvogëlojë dhe poshtërojë bashkëshorten. Ai mendon se kështu e rrit vetveten, por nuk e sheh se ai zvogëlohet vazhdimisht. Një ditë as fëmija nuk i lajmërohen. Diku 50% të gjeneve i kanë nga Ajo… Kur e shan atë, i shan edhe fëmijët tu njëkohësisht. Kuptove?
…
*Fjalë e “urtë” e “burrave”…
Keine Kommentare:
Kommentar veröffentlichen