Objekt seksual

Kolegia më përshëndeti në korridor dhe pas një buzëqeshje të lehtë tha:

— Dukesh shumë bukur sot, komplimente!

— Faleminderit, por jam i martuar dhe nuk më pëlqen ky lloj seksizmi, — ia ktheva me një shprehje serioze.

Ajo më pa e habitur. — Po si ju shkon mendja aty, ju lutem? Unë kam të dashurin tim, madje mund të kemi 30 vjet diferencë mes nesh!

— Po, por dashuria nuk pyet për moshën. Kam frikë. Ajo pyet vetëm për pëlqimin… prandaj! — thashë unë. 

— Dje, për shembull, një grua më ndali në rrugë për të më pyetur për një adresë. Sigurisht ishte thjesht pretekst për të folur me mua! Sepse, sinqerisht, kush ka nevojë të pyesë për rrugën kur ka celularin në dorë dhe Google Maps falas? Ajo më pa edhe më me dyshim.

— Nuk e prisja se e interpretoni kështu. Nuk e kisha atë qëllim!

— E di, të gjitha thonë kështu! Por më beso, edhe fishkëllimat në rrugë më kanë lodhur… — i thashë me buzëqeshje.

Aty më në fund e kuptoi se po bëja shaka.

— Ah, më trishtove, — tha duke tundur kokën. — Mendova se po flisje seriozisht!

— Eh, edhe unë do të doja të flisja seriozisht, por ja që jam shumë i bukur dhe kjo më sjell telashe. Një shqetësim i madh për qytetin! Edhe për mua.

Ajo qeshi dhe u nis me një lëvizje të dorës në ajër, duke ma bërë të qartë se s’kishte më ç’të shtonte. 

Nuk është e lehtë të jetosh kur perceptohesh vetëm si objekt seksual. Gazep ditën jashtë dhe gazep natën në shtëpi. 🤣

Imazhi i gjeneruar me microsoft create