Ndryshim me dhunë, domethënë shumëzim i vetvetes. Dhe,
zhdukja e një origjinali. Çdo njeri është i papërsëritshëm dhe i vetmi
origjinal, por derisa nuk u nënshtrohet atyre, që duan ta ndryshojnë me dhunë.
I ndryshuari me dhunë është kopje e dhunuesit. Dhunuesi është asgjësues i
origjinalit. Ky dhunues mund të jetë shteti, ose patriarku.
Shteti diktatorial, ose pushtuesi, përpiqeni jo vetëm të
zhdukin ide të reja, por edhe fantazitë. I tillë është edhe despoti në familjen
patriarkale. Ajo që mund të përligjet, kur e bën pushtuesi, ose policia, nuk
mund të justifikohet kurrë, kur ato metoda, përdor patriarku në shtëpi.
Prind i mirë është vetëm ai, që nuk kopjon metodat e
policisë komuniste. Policia komuniste mund edhe të kuptohet. Ajo nuk ka as
lidhje familjare, as farefisnore me viktimën, por kurrë prindi. Zbulimet e fundit
shkencore dëshmojnë se fëmijët e rrahur dhe keqtrajtuar, janë më pak
intelegjent, se ata të rritur me dashuri dhe bëhen xheloz, se u është rrënuar
sedra.
Fëmijët e rritur nën trysni të vazhdueshme, stërviten të
gënjejnë, sepse si fëmijë, vetëm rrena i ka shpëtuar nga ndëshkimi.
Dashuria dhe respekti vjen nga parajsa, rrahja nga ferri!
Familja duhet të jetë qendra e parajsës, jo e ferrit. Ai që i anulon fëmijës
lirinë për ta jetuar jetën sipas dëshirës dhe kohës së vet, ai është vrasës i
jetës së fëmijës dhe pengues i përmirësimit të botës.
Pra përmirësimi botës bëhet vetëm duke ndryshuar veten
për të pranuar lirinë e tjetrit. Qëndrimi kundërt, sot është perversion, dje
quhej dashuri dhe kujdestari. Ata thonin se rrahja kishte origjinën nga
parajsa. Kështu besonte edhe policia e Millosheviqit, që përpiqej për ta
penguar përmirësimin e botës...
Një prind madhështinë e vet dëshmon me dashurinë dhe
respektin ndaj gruas dhe fëmijës. Një shtet, me respektin dhe shërbimin e
qytetarëve.
Festuam Ditën e Mësuesit dhe festuam vendin e fundit
Sipas PISAS arsimi shqip ka vendin e fundit në Europë. Në
vitin 2013 pas nesh ishte vetëm Argjentina, Tunizia, Jordania, Kolumbia,
Katari, Indonezia dhe Peru. Patën marrë pjesë nxënës nga 63 vende.
Të festosh vendin e dytë dhe të tretë, mund të kuptohet,
por të kremtosh dhe hapareshesh me vendin e fundit në Europë, nuk është ndoshta
turp, por devijim mendor. Madje, edhe të falënderohen me lule.
Ata që po mburren me detyrën e shenjtë, mburren edhe me
rezultatin e shenjtë: domethënë, prodhimin e injorancës dhe mundimin e
nxënësve. Për të fituar injorancë, nuk duhet shkolla.
Bota përmirësohet edhe duke festuar suksese, por jo
dështime totale, në vija të holla dhe të trasha…
Prandaj vitin e ardhshëm, le të festojnë ditën e pastruesit
të shkollës...
Pse gratë? Ato synojnë për të lënë
gjurmë dhe vepra pas vete, kurse burrat, digjen, shkrihen dhe zvarriten për
lekë!
Më shumë urtësi jete te:
Kuptimi i jetës amazon
Keine Kommentare:
Kommentar veröffentlichen