Kujtoje LDK

(Parodizim i poezisë së Prevértit: Barbara)

Mban mend LDK?

Atë ditë kur binte shi pa pra në Prishtinë
Kur ti ecje vithetundur, por krenare
Pa pushtet e tmerruar e lagur
Nëpër shi

Kujtoje
Sidoqoftë kujtoje atë ditë
Mos harro
Kur pushteti qe strehuar në pallat
Dhe nga dritarja piskati emrin tënd
LDK
Kurse ti vrapove e poshtëruar drejt pushtetit
Vithengritur
E qullur e lazdruar e etur
Dhe u hodhe në prehërin e tij plot epsh
E shthurrur

vitheskuqur

Kujto këtë LDK

Oh LDK
Po bien rrena pa pra në Prishtinë
Siç binin dikur plumba

Mirëpo nuk është më ashtu, është prishur krejt burrëria
Është kokëvarje përzishmërie zhgënjimi e pikëllimi
Madje nuk ka as trima më
Thjesht vetëm pallavra në Prishtinë
Që treten si tarafë
Tarafë që lehin e zhduken
Prrockave të shiut në Prishtinë
Për t’ u qelbur larg
Larg shumë larg nga Prishtina
Nga e cila nuk mbeti gjë me moral
As tek ti LDK
As tek Pushteti

Prill 2015