Charles Bukowski për artin, dashurinë dhe pirjen

“Një intelektual thotë një gjë të thjeshtë në një mënyrë të vështirë. Një artist thotë një gjë të vështirë në një mënyrë të thjeshtë.”

“Të bësh një gjë të mërzitshme me stil është më mirë sesa të bësh një gjë të rrezikshme pa stil. Të bësh një gjë të rrezikshme me stil, është ajo që unë e quaj art.”

“Dallimi midis artit dhe jetës është se arti durohet.”

“Të krijosh art do të thotë të jesh përgjithmonë i çmendur, i vetmuar.”

“ Shkrimtarët e mëdhenj janë njerëz të pandershëm. Ata jetojnë në mënyrë të padrejtë dhe e kursejnë më të mirën për letër. Njerëzit e mirë shpëtojnë botën, në mënyrë që bastardë si unë të mund të krijojnë art dhe të bëhen të pavdekshëm. Nëse e lexoni këtë pas vdekjes sime, domethënë se ia kam arritur qëllimit.”

“Ruaju nga burri mesatar. Nga gruaja mesatare. Ruaju nga dashuria e tyre. Dashuria e tyre është mesatare. Ajo kërkon mesataren, por mesatarët janë gjenialë në urrejtjen e tyre. Ka aq shumë gjenialitet në urrejtjen e tyre sa do të mjaftonte për të vrarë ty dhe për të vrarë këdo që nuk e dëshiron vetminë. Këdo që nuk e kupton vetminë. Mesatarët, burra e gra, do të përpiqen të shkatërrojnë gjithçka që ndryshon nga ajo që ata janë. Ata nuk do të jenë në gjendje të krijojnë art. Ata nuk do ta kuptojnë artin. Dështimin e tyre si krijues do ta shohin vetëm si një dështim të botës.”

Ngjyrat e dashurisë, e-libër, për lexues të moshës madhore

“Ky është problemi me pirjen e alkoolit, mendova, ndërsa mbushja gotën. Kur ndodh diçka e keqe, njeriu pi për të harruar; kur ndodh diçka e mirë, njeriu pi për të festuar; dhe kur nuk ndodh asgjë, njeriu pi në mënyrë që të ndodhë diçka.”

“Pirja e alkoolit është një gjë emocionale. Të nxjerr nga monotonia e përditshmërisë, nga fakti që gjithçka është njësoj.”

“Shkoja nëpër baret më të këqija me shpresën se do të më vrisnin, por gjithçka që mund të bëja ishte të dehesha sërish.”

“Pirja është një mënyrë tjetër e të menduarit, një mënyrë tjetër e të jetuarit. Të jep dy jetë në vend të njërës.”

“Më ka mbetur edhe pak uiski dhe kështu edhe pak shans.”

“Ne të gjithë do të vdesim, të gjithë, çfarë cirku! Vetëm ky fakt do të duhej të na shtynte të duam njëri-tjetrin, por nuk e bën. Jemi të terrorizuar dhe rrafshuar përtokë nga gjërat e kota, po na hanë hiçet.”

“Është e mundur të duam një njeri vetëm nëse nuk e njohim shumë mirë.”

“Unë të kam dashuruar, si një burrë që dashuron një grua që nuk e ka prekur kurrë, së cilës vetëm i shkruan dhe së cilës i bën fotografi të vogla.”

Letër burrave, e-libër 

“Dashuria është si kur njeriu sheh një mjegull kur zgjohet në mëngjes, para se të lindë dielli. Zgjat vetëm për një çast, pastaj zhduket… Dashuria është një mjegull që digjet me rrezet e para të ditës “së realitetit.”

“Askush përveç teje nuk mund të shpëtojë ty, dhe ia vlen të shpëtosh vetveten. Është një luftë që nuk është e lehtë të fitohet, por nëse ka diçka që ia vlen të fitohet, është kjo.”

“Njeriu duhet të vdesë disa herë para se të mundë të jetojë përnjëmend.”

“Disa njerëz nuk çmenden kurrë, çfarë jete vërtet të tmerrshme bëjnë ata.”

“Pothuajse çdo njeri lindet si gjeni dhe vdes si idiot.”

....

Charles Bukowski (1920-1994) është një ikonë letrare e njohur për portretizimin e ashpër dhe të pafiltruar të sfidave dhe triumfeve të jetës. 

Ai shkroi mbi 60 libra: poezi, tregime dhe romane. Stili i tij shpesh përshkruhet si “realizëm i pistë”, pasi portretizonte jetën me të gjitha të metat dhe vështirësitë.

U lind në Gjermani, por familja e tij u shpërngul në Shtetet e Bashkuara të Amerikës që në fëmijërinë e tij, ku u rrit në kushte të vështira ekonomike. Temat kryesore të veprave të tij përqendrohen në jetën e njerëzve të thjeshtë, përditshmërinë e ashpër, varfërinë, alkoolin dhe pasigurinë emocionale. 

saj.

Nga gjermanishtja Lis Bukuroca

Imazhi është gjeneruar me ideogram