Çdo qelizë biologjike përbëhet
nga katër bazë: adenin, tymin, guanin dhe cytosin.
Shkencëtarët në Kaliforni kanë krijuar njësi themelore shtesë
në mënyrë artificiale. Dy prej tyre u injektuan në një bakterie.
Sipas deklaratës së hulumtuesve dhe revistës shkencore “Nature”,
në këtë mënyrë u krijuan gjallesa gjysmësintektike.
Dy bazat e reja gjenetike nuk
kanë emra ashtu të thjesht si kushërinjt e tyre adenin, tymin,
guanin dhe cytosin, por quhen dNaMtp dhe
D5SICSTP. Ato që duken si fjalëkalime të sigurta, janë struktura
artificiale të ndërtuar krejtësisht
ndryshe nga germat natyrore të alfabetit biologjik.
Për t' i thjeshtësuar
emërtimet, hulumtuesit e “Scripps Research Institut” në La
Jolla, Kaliforni, i quajtën X dhe Y si plotësim i A, T, G dhe C.
Drejtori i grupit hulumtues Floyd
Romesberg
dy bazat e reja i ka ndërtuar qëllimisht në mënyrë jo natyrore. “Ne nuk dëshirojmë që
bazat tona artificiale të përzihen me ato natyrore, por të mbeten
gjithmonë të ndara si uji dhe vaji.” Prandaj ata i kanë ndërtuar në atë mënyrë që ato të refuzojnë ujin. Më shumë se
dhejtë vite kanë punuar derisa kanë gjetur substancat e
nevojshme. Ato nuk duhet të ishin natyrore. Njëkohësisht nga
sistemi reparativ i qelizës, nuk duhej të identifikoheshin
si trup i huaj dhe ta largonin. Qeliza
duhej t´i trajtojë këto molekula me baza
të huaja si informatat trashëguese natyrore. Ajo duhej ato t' i
analizojë dhe shumojë, sapo të ndahet
qeliza.
“Ka shumë vite që zhvillojmë
germa gjenetike, që nuk i njeh natyra. Tani për herë të parë ia
dolëm që ato të shumohen në një gjallesë.
Kodi me gjashtë baza shndërron bakteriet në
super-organizma.
Në vend të kodit natyror nga
katër baza, tani ato posedojnë një kodë me gjashtë baza. Kjo i
bën bakteriet në një super-organizëm, sepse ky kodë me gjashtë
bazë, u oforn më shumë mundësi biokimike se sa ai natyror me
katër.
Floyd Romesberg shpreson se ky zbulim të zbatohet në
bioteknologji. „Nëse e zgjerojmë kodin, që kodifikon aminoacide
shtesë, mund të prodhohen proteine të reja me cilësi të
panjohura deri më tani.“ Ai nuk parashikon një rrezik nga kjo,
përkundrazi: organizmat gjysmësintetike
mund të kontrollohen
më leht se sa bakteriet, që janë ndryshuar me teknikën gjenetike
të rëndomtë. Qelizave duhet t' u japim elemente konstruktive jo
natyrore. Qelizat nuk mund t' i prodhojnë bazat tjera vet. Ato varen
nga injektimi
jonë. Kur nuk u japim më elemente
tjera konstruktive, ato pushojnë me
prodhimin ADN artificiale dhe krejt ajo që nuk është natyrore,
zhduket nga materiali trashëgues. Nëse një organizëm del nga
laboratori, nuk ka shanse të mbijetojë.
përgaditi LB
Burimi
Deutschlandfunk
Keine Kommentare:
Kommentar veröffentlichen