Popullit të Kosovës nuk i intereson shteti

Popullit të Kosovës nuk i intereson, kush rrënon shtetin!

Populli i Kosovës pret nga shteti, nuk dëshiron t‘i japë shtetit!

Populli i Kosovës nuk është subjekt, nuk është autor i jetës dhe ndërtimit të shtetit, por objekt pa ndjeshmëri ndaj tij (përjashtim bën VV):

Kur them atë mendim të ashpër për popullin, kam parasysh këto fakte:

Mosreagimi e tij ndaj arsimit të mjerë, ku arsimtarët paguhen, për të fituar nxënësit vendin e fundit. Pra, vend arsimi, ku prodhohen breza të rrezikshme pa ardhmëri

Mosreagimin për doktorata të vjedhura dhe të blera

Mosreagimit ndaj Akademisë dhe akademikëve pa vepra shkencore

Mosreagimi ndaj Gjykatave dhe Prokurorive

Mosreagimi ndaj spitaleve si para Luftës së Parë Botërore

Mosreagimi ndaj vjedhjes së madhe nga autostrada

Mosreagimi ndaj vjedhjeve dhe shitjeve të ndërmarrjeve publike

Mosreagimi ndaj Qeverisë me 100 ministra e zëvendës

Mosreagimi ndaj privatizimit të shtetit

Mosreagimi ndaj kriminelëve dhe të akuzuarve në politikë

Mosreagimi ndaj papunësisë

Mosreagimin ndaj punësimeve fisnore

Mosreagimi kundër krimit shtetëror dhe privat

Populli i Kosovës është edhe i papunë, por nuk ka kohë të bëhet autor i shtetit. Ai dëshiron të braktisë atë dhe të shkojë diku, ku ka moral në politikë dhe ku ai duhet të punojë, jo të protestoj, sepse nuk ka kohë. E pret facebooku, ku pezmatohet dhe tallet. Ku kërcënohet dhe ku shan, por në qendër të Prishtinës nuk del!

Një popull që nuk tmerrohet kur i cenohet ardhmëria e vendit, por acarohet dhe vret njeri nga xhelozia, nuk ndërton kurrë shtet të së drejtës!

Për fat të keq, ky popull dëshmon se shteti nuk i intereson aspak! E as fëmijët e tij, që nesër duhet të ikin për të vdekur në ndonjë cepë të botës! Sepse babai  dhe nëna e tij, nuk kanë luftuar për shtet dhe mirëqenie, por kanë duartrokitur dhe pranuar vjedhjen e tij duke prodhuar disa milionerë!