Lis Bukuroca : Triada e errët në punë, rrjet dhe dashuri (2)

Triada e errët në rrjet në vendin e punës

Hulumtimet tregojnë se tipare e triadës së errët, janë të ndërlidhura me marrjen e rolit të lidershipit dhe pushtetit brenda organizatave dhe bëhet fjalë për individë me aftësi të shkëlqyera udhëheqëse, pajisur me inteligjencë, karizëm dhe aftësi ndikimi ndërnjerëzor (Furnham & Adrian, 2010, James O., 2013).

Në të vërtetë triada e errët është shumë e pranishme në klasën udhëheqëse dhe menaxheriale (Amernic, J., 2010). Këta individë kanë prirje të përdorin lehtësisht kërcënimin fizik, manipulimin, shndërrimin e njerëzve në vegla, ose joshjen, vetëm për të arritur qëllimin e tyre.

Respekti i pakët për tjetrin, ndërlidhur me aftësinë e mangët empatike, vetëdija e mangët morale, mungesa e ankthit dhe frikës, manipulimi dhe shndërrimi i njerëzve në vegla, si dhe mungesa e brerjes së ndërgjegjes, bën këta individë të paskrupullt, veçanërisht të aftë për të bërë karrierë dhe ia dalin, të zënë pozita me pushtet dhe me sukses.

Triada e errët në rrjet

Termi "trolls" në gjuhën e internetit tregon përdoruesit e një komuniteti virtual - zakonisht anonim - që pengojnë sjelljen normale të një diskutimi duke dërguar mesazhe provokuese, pezmatuese, ose jashtë temës. Shumë studime tregojnë, se këta individë, posedojnë tiparet e personalitetit të triadës së errët, me shenja sadizmi, sjellje antisociale, psikopatie dhe makiavelizmi (Buckels, EE, Trapnell, PD, Paulhus, DL, 2013; Nate Anderson , 2014).

Triada e errët dhe qëndrimi ndaj gjinisë tjetër

Tani arrijmë te një aspekt shumë interesant, madje shumë delikat: efekti që këta individët, bartës të tipareve të errëta, kanë në gjininë tjetër.

Studimet tregojnë se individët, që karakterizohen me triadën e errët të personalitet, shfaqin triadë strategjike më të shpejtë të shoqërimit dhe më sipërfaqësorë, sesa të tjerët dhe kanë të sukses për një periudhë të shkurtër: ata mbledhin në fakt shumë partnerë seksualë, kanë një prirje të shquar për seks rastësor dhe për të zëvendësuar një partner me një tjetër ( Jonason PKet al., 2009), ata nuk kanë kërkesa të mëdha në zgjedhjen e partnerit (Jonason PK et al., 2011), tregojnë një prirje për të "vjedhur" partnerët e tjerëve (Jonason PK et al., 2010), dhe kanë një qasje pragmatike, sipërfaqësore "përdor e hedh" për lidhjet e dashurisë (Jonason, PK dhe Kavanagh, P., 2010).

Këto aspekte janë të lidhur edhe me karakteristikat e tjera, që shpesh bëjnë këta partnerë tundues dhe të dëshirueshëm, sidomos nga ana e partnerëve të brishtë, të mërzitur, të zhgënjyer me jetën sentimentale, profesionale, ose me jetën në përgjithësi, ose që gjenden në kërkim të emocioneve, të ndryshimeve dhe që ndjejnë nevojë për të qenë të dashur prej dikujt dhe të rëndësishëm.

Individët me "triadë të errët" në fakt shpesh tregojnë kujdes të madh për pamjen e tyre fizike dhe veshje, inteligjencë dhe joshje (ata dinë të jenë të shkëlqyeshëm dhe argëtues), manipulim (janë në gjendje të kuptojnë saktësisht se çfarë dëshiron dhe pret partneri prej tyre dhe ata dinë si të marrin atë që duan), impulsiviteti dhe dashuri të rrezikshme (trullos partnerin në një vorbull të emocioneve dhe e bëjnë të ndjehet i veçantë dhe i dëshiruar), dhe kanë tendencë për abuzim të substancave (Jonason PK et al., 2010), si dhe vetë-kontroll i dobët ( Jonason, PK Et al., 2010).

Mbeten, megjithatë, individë të ftohtë, oportunistë, shfrytëzues dhe pa respekt për tjetrin (PKE Jonaszon Webster GD, 2012;. Jonason PK et al, 2012), dhe është më mirë t’i njohim dhe të mos hyhet me ta në një marrëdhënie, nëse jo, në një dashuri kalimtare, aventurë argëtuese erotike, e cila së shpejti, rrezikon të shndërrohet në një përvojë të dhimbshme, abuzive dhe dezorientuese.

Dr. Annalisa Barbier, hulumtuese e neuropsikologjisë, docente universiteti, Romë

Nga italishtja Lis Bukuroca