Lis Bukuroca : Aforizma mbi injorancën (1)

"Unë nuk kam frikë nga një ushtri e luanëve kur ajo udhëhiqet nga një dele. Unë kam frikë nga një ushtri e deleve, kur ajo udhëhiqet nga një luan." Leka i Madh

"Është i mençur vetëm ai që e di se nuk di, e jo ai që e mashtron veten madje duke shpërfillur edhe injorancën vetjake." Sokrati

"Në fakt, qytetarë, frika nga vdekja nuk është asgjë tjetër pos dëshirës për t‘u dukur i mençur pa qenë i tillë, domethënë të besojmë se ne e dimë atë që nuk e dimë. Sepse askush nuk e di nëse vdekja është rastësisht një nga të mirat më të mëdha të njeriut, e megjithatë, ata kanë frikë, thua se e dinë mirë se kjo është e keqja ndër më të mëdhat. Dhe, të besuarit se dimë atë që nuk dimë, është me të vërtetë forma më e turpshme e injorancës." Sokrati

"Ekziston vetëm një e mirë, dituria, dhe vetëm një e keqe, injoranca." Sokrati

"Duke shkuar mendova vet me vete: "Unë jam më i mençur se ky njeri: ndoshta asnjëri prej të dyve nuk di asgjë të mirë, por ai mendon se di diçka pa ditur asgjë, ndërkaq unë, nuk besoj se di edhe kur nuk di. Së paku për këtë përjashtim, të vogël, sido që të jetë ai, dukem më i mençur se ai. Unë nuk mendoj se e di atë që nuk e di." Sokrati

"Të akuzuarit e tjerëve për fatkeqësitë tona personale është pasojë e injorancës sonë; të fajësuarit e vetvetes domethënë fillimi i të kuptuarit." Epikteti

"Të diturit se nuk dimë, është gjëja më e mirë. Shtirja se dimë kur nuk dimë, është një sëmundje." Lao Ce

"Në të vërtetë nuk dimë asgjë, sepse e vërteta gjendet në thellësi." Demokriti

"Injoranca është nëna e ndjenjave të bekuara." Girodano Bruno

"Asgjë në botë nuk është më e rrezikshme se injoranca e sinqertë dhe budallallëku ndërgjegjshme." Martin Luther King

"Injorantët nuk mund të mos urrejnë dhe të mos frikësohen nga ata që merren me gjërat, të cilat ata nuk i kuptojnë." Joe Strummer

"Konsideratën e pakët që ka klasa jonë politike dhe sidomos kjo e fundit për arsimin, universitetin dhe hulumtimet, është pasojë e nivelit të ulët kulturor të pjesës dërmuese të të zgjedhurve në Kuvend." Margherita Hack

"Nëse dija mund të krijojë probleme, nuk mund ato t’i zgjidhim nëpërmjet injorancës." Issac Asimov

"Unë nuk jam kundër racizmit, por kundër injorancës, sepse racizmi është fryt i injorancës." Robysjack

"Të gjitha që ju nevojiten në këtë jetë janë, injoranca dhe besimi, atëherë suksesi është i sigurt." Mark Twain

"Në kohët e lashta, mosnjohja e fenomeneve të natyrës ndikoi te popujt që të shpiknin perëndi që dominonin çdo aspekt të jetës njerëzore." Stephen Hawking

"Mençuria e vërtetë është më pak mendjemadhe se budallallëku. Njeriu i mençur shpesh dyshon dhe ndryshon mendimin e tij; budallai është kokëfortë dhe nuk ka dyshime; ai i di të gjitha gjërat, por jo injorancën e tij." Faroni Akhenaton

"Është një besëtytni fëmijnore e shpirtit njerëzor që virgjëria të konsiderohet virtyt dhe jo barriera, që ndan injorancën nga dija." Voltaire

"Injoranca është nëna e traditave." Montesquieu

"Sa më shumë që studiojmë, aq më shumë zbulojmë injorancën tonë." Percy Bysshe Shelley

"Aty ku i injoranca është padroni i jonë, nuk ka mundësi për paqe të vërtetë." Dalai Lama

"Njerëzit që dinë shumë pak, janë zakonisht oratorë të mëdhenj, ndërsa njerëzit që dinë shumë, flasin shumë pak." Jean-Jacques Rousseau

"Padituria e priftërinjve është kamxhiku më i madh i botës." Napoleon Bonaparta

"Religjionet janë bijat e injorancës dhe nuk do të mbijetojnë gjatë nënat e tyre." Athur Schopenhauer

"Elementi më i dhunshëm në shoqërinë tonë është injoranca." Emma Goldman

"Nëse mosnjohja e natyrës u dha jetë perëndive, njohja e natyrës u krijua për t‘i shkatërruar ato." Percy Bysshe Shelley

"Injoranca është gjëja më komode që unë njoh; pas divanit në dhomën e ndenjes në shtëpinë time." Alessandor d’Avenia

"Injoranca është nëna e frikës." Herman Melville

"Qëllimi i shkencës nuk është aq shumë hapja e dyerve për njohurive të pafundme, por vendosja e një pengese injorancës së pafundme.“ Bertol Brecht

"Injorantët gjithmonë do të jenë injorantë, sepse forca është në duart e atyre dhe ata kanë interes që njerëzit të mos kuptojnë." Cesare Pavese

"Injoranca është një barishte e keqe, të cilën diktatorët mund ta kultivojnë në mesin e kolegëve të tyre, por që asnjë demokraci, nuk mund ta lejojë mes qytetarëve të vet." William Henry Beverigde

"Fetë janë krijuar nga entuziastë injorantë ose egoistë ambiciozë." Denis Diderot

"Perëndia është emri që njerëzit i kanë dhënë injorancës së tyre që nga fillimi deri në ditët tona." Max Nordau
"Injoranti nuk njihet nga puna që bën, por nga mënyra se si ai e bën atë." Cesare Pavese

"Është injoranca e thellë, që sugjeron tonin dogmatik." Jean de la Bruyere

"Fashizmi privilegjonte gomarët me uniformë. Demokracia privilegjon ata me tuta. Në Itali kalojnë regjimet politike, gomarët mbeten. Ngadhnjimtarë." Somari. Indro Montanelli

"Injoranca nuk vret, por torturon." Wesley D’Amico

"Kleri e di, se unë e di, se ata e dinë, se nuk dinë." Robert Green Ingersoli

“Nuk ka asgjë më të tmerrshme se sa një injorancë vepruese.” J. W. von Goethe
“Sa më pak të dinë njerëzit se si bëhen salsiçet dhe ligjet, aq më mirë ata flenë.” Otto von Bismarck
„Injoranti ka guximin, i dijshmi ka frikë.“ Alberto Moravia
“Budalla nuk bëhet njeriu, ai mbetet.” Esther Vilar
"Një kokë e zbrazët, përkulet më lehtë.“ Zarko Petan
“Kush ka kashtë në kokë, ka frikë nga shkëndija e së vërtetës.” Jupp Müller
“Unë nuk e di gjithmonë se për çfarë flas, por unë e di se kam të drejtë.” Mohammed Ali

Nga italishtja Lis Bukuroca

...