Lis Bukuroca : Thënie për familjen (I)

Familja: aty ku jeta fillon dhe ku dashuria nuk mbaron kurrë.

Mos jeto kurrë pa qeshur, sepse ka njerëz që jetojnë nga qeshja jote.

Familje do të thotë të mos jesh kurrë më i vetmuar për pjesën tjetër të jetës tënde.

Shtëpia ime është aty ku është familja ime.

E para që njeriu gjen në jetë, e fundit nga e cila drejton duart, më e çmuar që ka njeriu në jetë, është familja.

Dashuria e një nëne nuk njeh kufij.

Në një familje, nuk ka pse të dëshmohesh për të fituar dashurinë. Ajo të do ashtu si je, me të gjitha nuansat e tua.

Familja është përgjegjësi dhe siguri në të njëjtën kohë.

Familja është trungu, fëmijët, lulet.

Edhe nëse shkon, mbetesh gjithmonë pjesë e familjes tënde.

Për fëmijët

Kjo është arsyeja pse i dua fëmijët: ata shohin veten dhe botën ende në pasqyrën e bukur magjike të imagjinatës së tyre.( (Theodor Storm)

Qaforet më të çmuara që mund të bartësh rreth qafës, janë krahët e fëmijëve tu.

Fëmijët janë të ftuarit, që pyesin për rrugën.

Një fëmijë është një dorë e vogël, që të çon përsëri në një botë të harruar.

Fëmija thotë vetëm atë që ka dëgjuar.

Fëmijët bëjnë më mirë sesa të rriturit: ata thjesht thonë atë që mendojnë.

Pa fëmijë, bota do të ishte një shkretëtirë. (Jeremias Gotthelf)

Fëmijët duhet të kenë durim me të rriturit. (Antoine de Saint-Exupéry)

Fëmija edukohet në atë mënyrë, që ai të mbajë gjithmonë premtimet. Mbaje edhe ti atë që i premtoni një fëmije. Nuk ka asgjë më të hidhur se sa padrejtësia.

Jeta e prindërve është libri, në të cilën lexojnë fëmijët. (Aurelius Augustinus)

Një i porsalindur është fillimi. Ai përfaqëson shpresën dhe hapjen e të gjitha mundësive dhe është mrekullia më e madhe e një familjeje.

Vëllezërit dhe motrat

Vëllezërit dhe motrat nuk janë kurrë të vetmuar. Ata mbajnë gjithmonë njëri-tjetrin në zemrat e tyre.

Pak kohë me motrat dhe vëllezërit, është e mirë për shpirtin.

Vëllezërit dhe motrat i gjenden njëri-tjetrit pranë. Përlahen dhe falin, japin dhe marrin, ndihmojnë dhe ngushëllojnë, qeshin dhe qajnë dhe, mbeten pranë njëri-tjetrit.

Vëllezërit dhe motrat janë të vetmit njerëz me të cilët acarohemi vazhdimisht, por megjithatë janë njerëz që i duam pafundësisht.

Vëllezërit dhe motrat janë farkuar nga i njëjti hekur, por megjithatë të ndryshëm. Nganjëherë duken si një çift i pabarabartë, por një çift që duan njëri-tjetrin. Ata janë përgjithmonë të lidhur, ata janë përgjithmonë një.

Jeta do t ‘ishte më e pikëllueshëm pa dashurinë dhe besnikërinë e motrave dhe vëllezërve.

Ne jemi motër dhe vëlla. Mos harro, nëse rrëzohesh, unë do të të ndihmoj.

Për shkak teje, unë qesh me zë më të lartë, qaj më pak dhe buzëqeshëm më shumë.

Shokët ndërrohen. Edhe dashnorët. Vëllezërit dhe motrat mbeten përgjithmonë!

Për vëllain

Vëllai im mund të mos jetë gjithmonë pranë meje, por është gjithmonë në zemrën time.

Meqenëse kam një vëlla, kam një shok të mirë përgjithmonë.

Një vëlla dhe një motër, asgjë më të bukur nuk e njeh bota.

Një vëlla është një shok, të cilin ta ka dhënë natyra.

Nuk kam nevojë për një hero të madh, kam një vëlla të madh!

Vëlla, faleminderit që më bën gjithmonë të qesh. Pavarësisht sa herë përlahemi, ti je njëri nga njerëzit më të rëndësishëm për mua.

Hej vëlla i dashur, pa ty, bota do të ishte një vend i mërzitshëm. Faleminderit për çdo zënkë në lidhje me telekomandën, për çdo luftë për hajen dhe për përleshjet e panumërta.

Faleminderit që me ty mund të jem përgjithmonë një fëmijë.

Një vëlla është si një shpatull.

Edhe pse shpesh zihemi, kemi shumë ngjashmëri. Edhe pse shpesh grindemi, dëshiroj të të falënderoj. Faleminderit që je vëllai im!

Motra për motrën

Një motër është një pjesë fëmijërie, që do të zgjasë përgjithmonë.

Nëse mund të zgjidhja motrën më të mirë në botë, unë do të të zgjedhja ty!

Motra ime ka motrën më të mirë.

Unë buzëqesh çdo ditë sepse kam fatin të jem motra jote dhe qesh sepse nuk mund të bësh asgjë kundër kësaj.

Një motër është më shumë se një shoqe e përjetshme, sepse ajo i jep gëzim dhe dashuri përjetësisë.

Nëse nuk shihet askund një shoqe, motra jote do të jetë pranë teje.

Dy gjëra që fëmijët duhet të marrin nga prindërit e tyre: rrënjët dhe flatrat. (Johann Wolfgang von Goethe)

Ju mësoni më shumë nga fëmijët tuaj sesa ata nga ju. (Friedrich Rückert)