Nuk është faji i politikanëve shqiptarë, Revistadrini, perqasje, botasot, flasshqip

Nuk është faji i qeveritarëve, 

nuk është faji i deputetëve, 

është faji i familjes shqiptare!

Është faji i despotit shqiptar!

I fashizmit patriarkal!

Familja shqiptare nuk edukon, 

ajo manipulon,

prish

dhe dëmton!

Dhe, pengon ardhmërinë!

Në shtëpi nuk mësohet sinqeriteti, 

respekti,

dashuria, 

drejtësia,

përgjegjësia,

por diskriminimi, 

padrejtësia,

dominimi,

mashtrimi, 

nënshtrimi,

mbyllja e gojës,

pasurimi i padrejtë,

pozita

dhe tradhtia!

Elita politike nuk është asgjë tjetër, 

pos rezultat i pedagogjisë kriminale, 

në shtëpi,

në kopsht,

në shkollë,

në fakultet

stërvitur dhe e shkathtësuar për kriminalitet! 

Pasojë e pedagogjisë rurale, 

që nuk është as pedagogji

por një çedukatë,

një dëmtim,

grumbull reliktesh barbare,

dhe mungesë legjendare e dijes 

mungesë e ndjenjës së vetëdijes 

në shtëpi,

për drejtësi të njëmend!

Aty ku mund të rrihet gruaja, 

ku diskriminohet bija, 

ku të madhit i mësohet rrahja e më të voglit

ku vëllait i mësohet xhelozia ndaj motrës

(thua se e ka bashkëshorte)

e jo t’i gëzohet dashurisë së saj

aty ku mësohet vrasja e bashkëshortes 

nëse nuk të do:

aty bëhet çdo maskarallëk,

çdo poshtërsi e mundshme,

sepse mundet,

pse mundet,

sepse lejohet

pse çmohet

sepse është traditë 

i forti të shtypë të mençurinë, 

duduku të jetë shef i të urtit,

sepse aty nuk vlerësohet dija,

por pasuria,

mosha,

rrangalla,

tarafi,

fuqia,

karriera,

bolet;

Aty respektohen bolet!

Aty i dashur njeri

përtypen idetë e huaja, 

të lashta

dhe bëhet riciklimi i bërllokut:

kanalizim,

erë plehu,

shpërblim tradhtarësh, 

siç shpërblehen tash e një shekull,

krahanë,

fis,

gjak,

dhe përmendore,

dhe kudo teneqe të dyshimta!

Kudo teneqe të dyshimta dhe arrivistët 

veshngritur, 

vithengritur,

përkulur si hark,

para një varri,

me lule në dorë,

pranë një varri,

buzëqeshur!

Një popull që ka fuqi të shtyp dhe diskriminojë: 

gratë e veta, 

çikat e veta,

ai popull mashkullor

kurvërinë e burrave e quan 

moral,

buzëqeshjen e gruas 

kurvëri,

më mirë nuk mundet, 

më mirë nuk do të mundet,

më mirë nuk dëshiron,

më mirë nuk do të dëshirojë,

më mirë nuk guxon,

më mirë nuk do të guxojë,

sepse ai ka frikë nga drejtësia!

Ai ka frikë nga drejtësia!

Sepse është tredhur në shtëpi!

Ai nuk ka më bole!

Ai nuk është më vetvetja

por hija e despotit!

Kopje e huaj!

Ai ka frikë nga liria!

Dhe e zhbën si pushtuesi!
Ai ka frikë nga barazia!
Dhe e shfuqizon si pushtuesi!

Ai ka frikë nga përparimi!

Dhe e pengon si pushtuesi!

Ai struket diku në mesjetë e vet 

kruspull,

me celular në dorë,

ku sillet e mendon

ku vepron e gjykon

si e pret ish-pushtuesi prej tij!

Sepse ai nuk ka më bole të jetë liria dhe drejtësia!

****

.......................................

Libra nga Lis Bukuroca

Ata që jetojnë në Gjermani mund t'i porosisin disa libra edhe te thalia.de  ose në 340 libraritë e saj në Gjermani, Austri dhe Zvicër.  

Gjenden edhe te libraria më e madhe në SHBA  Barnes and nobles dhe mund të porositet, përveç online, në 630 libraritë e tyre.  Shikoni ju lutem se ku ju konvenon çmimi më tepër.

Kuptimi i jetës  te amazon *

Kuptimi  jetës te lulu **

Letër burrave (I )te amazon

Letër burrave (I) te lulu

Letër burrave (II) te amazon

Letër burrave (II) te lulu

Ngjyrat e dashurisë te amazon, roman vetëm për lexues të moshës madhore

Ngjyrat e dashurisë te lulu, roman vetëm për lexues të moshës madhore

Shtatë parimet e dashurisë

Hijedritat e jetës te lulu

Hijedritat e jetës

Die Asylbewerber, komedi gjermanisht

* Te amazon tash e tutje mund të porositen edhe nga Australia.

** Te lulu mund të porositen nga 150 vende të botës.