I pasur si Elon Musk?

Për të fituar 400 miliardë euro – sa ka Elon Musk – më duhet të punoj 33.333 vjet.

Jo me rrogë normale – por me 1 milion euro në muaj! 

Domethënë mbi 30.000 euro në ditë.

Dhe prapë… më duhen 333 shekuj! 

Pra, unë duhet t’ia kisha nisur punës:

 • kur neandertalët ishin zhdukje e sipër,

 • kur homo sapiensi zbriste cullak nga pema,

 • dhe të dilja në pension… kur të vdesë Putini! 

Në këtë “karrierë” historike, do të kisha:

 • dëgjuar Thotin duke folur shqip,

 • parë pellazgët duke ndërtuar barka,

 • qenë i pranishëm kur u shkrua Epi i Gilgameshit,

 • pirë çaj me Abrahamin në Kanaan,

 • takuar Homerin në breg të Egjeut,

 • diskutuar etikën me Budën nën hije të një peme,

 • filozofuar me Sokratin në agorën e Athinës,

 • debatuar me Aristotelin,

 • shkëmbyer mendime me Pirron,

 • ngritur dolli me Jul Cezarin, me Kleopatrën,

 • parë Krishtin duke ecur mbi ujë – pa çorape,

 • falënderuar Skënderbeun në Krujë,

 • pirë kafe me Gjergj Fishtën, Shën Terezën, Rugovën, Kadarenë,

…dhe në fund, do takoja Edi Ramën, për të festuar integrimin në BE.

Dhe pas gjithë kësaj pune:

 • epokë pas epoke…

 • shekull pas shekulli…

…më vjen një email i thjeshtë nga banka:

“Llogaria juaj është mbyllur.

Sulm nga Rusia.

Ju keni: ZERO EURO.

Faleminderit për besimin.”