10 arsye, pse shqiptari i diasporës s'mund të bëhet President

17 Korrik 2007

-Meqenëse politika shqiptare nuk krijoi mundësi për ta mbajtur popullin brenda kufijve - e shpall atë popull që ka emigruar si politikisht të panevojshëm dhe të papërshtatshëm për të udhëhequr. Ja disa nga arsyet që çuan Kuvendin Shqiptar për ta ekskomunikuar ata që ndihmojnë atdheun nga jashtë: (një analfabet në Shqipëri teorikisht, sipas ligjit, ka të drejtë të bëhet President, por jo doktori që jeton jashtë...)

1. Ai braktisi atdheun për një grusht dollarë.
2. Ai paguan tatime për borgjezinë perëndimore
3. Ai nuk u ka falur kurrë ndonjë lek nëpunësit shqiptarë
4. Ai mund ta ketë blerë doktoraturën në Havard, Athinë, Padovë, Oksford, Paris e Berlin etj.
5 - Mendohet se fëmijët e tij hanë hamburger dhe pinë coca-cola. Mendohet se gruaja e tij nuk din të bëjë më as fli, as tatli e as tavë Elbasani.

6. Ai mund të ketë pretendime territoriale ndaj shteteve fqinje.
7. Ai është nacionalist i çartur dhe mund të kërkojë bashkimin.
8. Ai mund të jetë i pasur dhe t´i humb drejtpeshimin mjerimit.
9. Ai mund të jetë tolerant ndaj homoseksualëve.
10. Ai është i pafytyrë, i pakarakter sepse dëshiron të bëhet President.

Shekulli