Aforizma (18)

„Ku do të arrinim, nëse të gjithë themi, ku po shkojmë kështu dhe askush nuk shkon për të parë një herë, ku do të arrinim, nëse do të shkonim.“ K. Martin

„Çdo send posedon tri anë. Një anë që shoh unë. Një anë që sheh ti dhe e treta është ajo anë, që nuk shohim ne dy.“ proverb kinez

„Jeta është si ngasje e biçikletës: për ta mbajtur drejtpeshimin, njeriu duhet të jetë në lëvizje të përhershme.“ Albert Einstein

„Mos dëgjo çfarë thonë njerzit, shko dhe shikoje vet.“ proverb kinez

„Dita ideale nuk do të vijë kurrë. Dita ideale është sot, nëse dëshirojmë ta bëjmë të tillë.“ Horaci

„Nëse beson se je i vogël për të ndryshuar diçka, atëherë përpiqu të flesh në një dhomë, ku gjendet një mushkojë.“ Dalai Lama

„Ka vetëm dy ditë në vit në të cilat nuk mund të bëhet asgjë. E para është dje dhe e dyta nesër.“ Dalai Lama

„Bashkëshortësi dmth. zgjidhja e problemeve nga dy veta, probleme që njeriu nuk do t' i kishte pasur, sikur të jetonte vet.“ proverb gjerman

„Po të bëja atë që dëshirojnë njerzit nga unë, atëherë një ditë do të shkruante tek varri im: jeta ime u pëlqeu të gjithëve, vetëm mua jo.“ anonime

„ Për të parë atë që kanë parë pak njerëz, atëherë duhet të shkosh vetëm atje, ku kanë shkuar pak veta.“ anonime

„Pesë hebrenj që kanë ndryshuar botën: 

Mojsiu :“ Ligji është gjithçka!“ 

Krishti:“Dashuria është gjithçka!“

Marksi:“Paraja është gjithçka!“ 

Frojdi:“Seksi është gjithçka!“ 

Ajnshtajni:“Gjithçka është realitve:“ 

anonime

„Çdo njeri është një gjeni, mirëpo nëse ti një peshk e gjykon bazuar në aftësitë e tija për t' u ngjitur në një pemë, atëherë ai tërë jetën do ta kalonte duke besuar se është budalla.“ Albert Einstein

„Mos kalo kohën duke kërkuar pengesa, ndoshta ato nuk ekzistojnë fare." F. Kafka

„Largësia nuk është me rëndësi, por vetëmn hapi i parë.“ Marquise du Deffan

„Asgjë nuk është aq e pushtetshme, sesa idea së cilës i ka ardhur koha.“ Victor Hugo

„Edhe nëse të gjithë janë të një mendjeje, kjo nuk domethënë se ata kanë të drejtë.“ Bertram Russel

„E vërteta nuk ka asgjë të bëjë me numrin e njerzve që e besojnë atë.“ Paul Claudel

„Nuk është aspak intelegjente të mos jesh i lumtur“ Dalai Lama

„Miqt na gëzojnë gjithëmonë, nëse jo kur vijnë, atëherë kur shkojnë.“ Simon Aki

„Njeriu nuk është përgjegjës vetëm për atë që bën, por edhe për atë që nuk bën.“Lao-Ce

„Të mëdhenjt do të pushonin me sundimin, kur të vegjëlit do të pushonin me zvarritjen.“ Friedrich Schiller

„Ti nuk di kurrë çfarë rezultati do të kenë veprimet tua, por nëse nuk bën gjë, atëherë nuk do të kesh fare rezultate.“ Mahatma Gandi

„Problemi në këtë botë është se të mençurit gjithmonë dyshojnë, budallenjtë gjithmonë besojnë.“ Charles Bukowski

„Idiotësi nuk është të dihet pak, as të duash të dish pak, por idiotësi është të besosh se di mjaft.“ Konfuci

„Kush thotë të vërtetën, atij i duhet një kalë i shpejtë!“ Lao Ce

„Mos diskuto kurrë me budallenjtë, ata të tërheqin në nivelin e vet dhe dalin fitues me përvojën e tyre.“ Erik Froschaue

„Karakterin e vërtetë të një njeriu e njeh, kur sheh sjelljet e tija ndaj teje, kur nuk i duhesh më.“ J.W.v.Goethe

„Nuk është aspak me rëndësi a jemi besimtar apo jo, por me rëndësi është a jemi zemërmirë a jo!“ Dalai Lama

„Ekziston vetëm një pikëvështrim i gabueshëm i gjësendeve: besimi se vetëm pikëvështrimi im është i drejtë.“ Nagarjuna

„Kush thotë këtu sundon liria, ai gënjen, liria nuk sundon...“Erich Fried

Kur pyetën Dalai Lamën çfarë e befason më shumë në jetë, ai tha:

"Njeriu! Njeriu, sepse ai flijon shëndetin për të fituar para. Flijon paratë, për ta rifituar shëndetin. Ai ka aq shumë frikë për ardhmërinë, sa nuk shijon të tashmen. Rezultati është se ai nuk jeton as në të ardhmen, as në të tashmen. Ai jeton në atë mënyrë, thua se nuk do të vdiste kurrë. Në fund vdesë dhe nuk ka jetuar kurrë përnjëmend.“

Përkthim nga gjermanishtja Lis Bukuroca