Kryeministri mori me qira një sallë të
madhe për mbledhje, ku zakonisht organizohen dëfrime të shfrenuara, në mënyrë
që të ketë vend për ministrat, zëvendësministrat, zëvendëszëvendësministrat, pesë
zëvendëskryeministrat, 15 këshilltarët e kryeministrit, këshilltarët e
ministrave dhe këshilltarët e zëvendësve dhe të zëvendëszëvendësministrave.
Përveç tyre ftoi edhe brigadën e parë të
shoferëve të qeverisë dhe zëvendësit e tyre. Në orën 10:00 salla u mbush dhe
pritej hyrja e gjeneralmajorit. Duke ecur drejt katedrës, ai nxori revolen nga
brezi dhe shtiu disa herë. Disa copa nga tavani ranë në dysheme. Qindra
qeveritarë dhe këshilltarë, të trishtuar dhe në panik, u hodhën gërmuq nën
banka.
Rambo u ndal duke pritur ringritjen dhe
rishfaqjen e kabinetit. Asnjëri nuk lëvizej. As gëk, as mëk! Heshtje burgu! Këshilltari
numër një, i paautorizuar, doli para mikrofonit dhe luti të frikësuarit të mos tuten,
sepse kryeministrit i ka mbetur shprehi nga lufta me ec me revole si Isa
Boletini, por jo si Al Capone, siç mendojnë disa spiunë të Serbisë. “E pastaj”,
vazhdoi ai, "ju dini se Kosova është në rrezik nga specialja dhe
Kryeministri e ndjen për detyrë me luftue për atdheun dhe në çdo çast me qenë i
gatshëm me mbrojt." Megjithëkëtë asnjëri nuk braktisi strehimoren. Pasi
foli edhe këshilltari numër dy, tre, pesë, shtatë, nëntë dhe kur i 15-i u tha
se janë tucana, nisën t’i nxjerrin kokat me droje dhe u ulën njëri pas tjetrit.
Kryeministri falënderoi 15-shin, bëri një hap drejt foltores dhe nisi
ligjërimin:
"Të dashtun ministra, zavendsa,
zavendsa të zavendsave, këshillana, zavendsa të kshillanave, ju shofera dhe ju
shofera të shoferave, ju përshëndes! Mos u tutni! Deshta viç me ju kallxu se
une jam shef i juv dhe 88.000 nëpunsave t’Kosovës. Kta tre muj keni punu shumë
mirë dhe mbramë nuk um ka zan xhumi hiç. Nuk i bisha n’fije si me ju falenerue.
Tu menue vet me veti, për juve, për veti dhe pasi u dërmova tu u konsulltu me
këshillanat, vendosa për kto niçin ditë me ja rrit rrogën postit t’
kryeministrisë për 100%, jo mue, postit, por edhe krejt juve! Nëse punojmë
n’niçin ditët e ardhshme si deri tash, atëherë i rriti edhe 100%! Ju lutem, une
kam luftue dhe nuk muj me pas rrogën si Isa Mustafa. Asht marre për venin.”
Pesë zëvendëskryeministrat dhe 15
këshilltarët e tij u ngritën në këmbë, pas tyre krejt kabineti dhe duartrokitën
duke kënduar:
“Oj Kosovë oj Nano jonë
Na t’dojmë si gjithmonë
Rroftë Kosova e Ramushi
I meçëm kalavesh rrushi!
"Ramush o Qeveri
Rroftë lezeti ri!"
Pas disa minutave pushoi kënga dhe
brohoria, kurse kryeministri vazhdoi kuvendimin: "Ju faleneroj ministra
dhe zavendsa! Uluni, uluni! Kolegë t'dashtun dhe ju kshillana. Mos menoni se me
kto rroga damtojmë buxhetin e Kosovës. Kush fol ashtu, ai rren. Qeveria jonë ka
burime tjera financiare!
Nëse dikush ju thotë se po damtoni
shtetin, atëherë thuni se 350.000 objekte poplli jonë i ka ndërtu pa leje dhe
askujt nuk ia prishim qefin. Shteti i Kosovës nuk ban me ju përzi votusit dhe
m’i shti huntë në puntë e tija. Ai mun me nreç shpi, ku të dojë dhe kur të
dojë. Unë i fala edhe 60 milion borxhe që i kanë Kosovës biznismenat. Ata kanë
puntorë në firmat e veta. Ju duni me menue se zgjedhjet tjera mujn mu ba sa çel
e mbyll sytë!
Pse i fala biznismenve? I fala se pata
qef! Për pikë t’qefit! Na nuk dojmë me nreç shtet që i merr pare popllit, por
shtet që i jep qytetarit e katunarit, shtet që na jep edhe neve. Unë e kam për
detyrë me nreç jetën e votuesve. Tjerët i kanë pas rrogat ma t'vogla se na, por
janë myt tu vjedh. Na nuk dojna me vjedh tinza, por i marrmi publikisht se i
meritojmë! Unë si gjeneralmajor, si çlirimtar, si njeri që ka studju n’ Amerikën,
si njeri që di me fol katër gjuhë: anglishten, frëngjishten, serbishten dhe
shipen, nuk muj me pas rrogën si Isa Mustafa. Asht maskarallëk për Kosovën, që
nuk hahet.
Kolegë të dashtun, unë kam kshillan që
tash fiton 1.000 euro, e si gazetar, ka fitu ma shumë se 2.000. Kjo kallxon se
në Qeverinë teme për atdhe njerëzit punojnë për xhysën e rrogës. Nga dashnia e
madhe për Kosovën!
Qeveritarë t’dashtun, kjo kjo që do t’them
tash asht sekrete dhe viç n’mes neve! Rrogat i rrita edhe pse asht vështirë me
mbijetue katër vjet si Qeveri. Ndoshta na ërrxon Vuçiqi, apo partia e çyçanave
që tutet prej hijes vet. Kshtu për dy vjet i marmi pagat për katër dhe mujmi me
çel biznese, kur jesmi pa punë. Pra, interesi juv dhe i kshillanave asht mu
munue sa ma shumë me mijetue ky koalicion, me fol sa ma mirë për kit qeveri. Me
shkrujt sa ma shumë se kemi zbrit bajagi shumë papunsinë n' Kosovë. Edhe atyne
88.000 vetave që punojnë n’administratë, mujmmi m’u caktu zavendsa, kshtu i kemi
edhe 88.000 votusë t’punsum. Mos harroni edhe shoferat, por qeveritarë
t'dashtun, tash e kuptoni pse aq pak kanë punu qeveritë para neve, se kanë pas
pak zavendsa, pak zavendsa të zavendsave, por edhe kshillana kanë pas beli pak.
Na duhet m’i impresu votuesit...”
Kryeministri mbajti një fjalim të gjatë
dhe çdo 5 minuta një këshilltar niste duartrokitjen dhe pas tij, salla ushtonte.
Pas u djersit shumë, kryeministri humbi fillin dhe mbeti i shtangur. Këshilltari
i parë u ngrit dhe piskati: "Tani kryeministri do me kalu në temën e dytë
dhe do me fol për rehatimin e juve, për zyrat..." Haradinaj i hodhi një
vështrim sallës dhe afroi kokën përsëri pranë mikrofonit:
"Po! Falemnerës këshillan numër ni
se gati harrova temën dy. Po, e vërtetë, i kam 71 zavendsa n’qeveri. Xhysa nuk
di nga i kanë dajtë e nga tezet. Bile nuk jav di as emnat. Sot kisha harru m’i
thirr nja 12. Nuk i kam zgedh une, m’i kanë çu partitë dhe unë u desht viç m’i
punsu.
Të dashtun kolegë, tu u menue se ku me
ju xhet zyra, mora ket venim: zavendsat e ministrit t’zhvillim rajonal, do të
çohen në ni kolibe n’Çakorr dhe në Bllacë. Nuk kemi zyra për krejt n’Prishtinë.
Zavendsat e ministrit t'punve te mrenshme mujn me nejt te shpija dhe kur
ministri ka pushim, ata vin dhe njani ulet n'karrigen e tina, tjetri ulet pas
derës, ose punojnë vetëm t’shtunave dhe të dielave.
Për ata që dojnë me punu nga katër veta
n'zyrë, kshillanat e mi po shkrujnë ni rregullore. Unë due rreglla. Aty ku jini
dy, tre apo katër në zyrë, njani i ban kafe ministrit, tjetri i bën masazh dhe
i treti nën tavolinë, i ban çka i pëlqen ministrit. Kemi edhe disa
homoseksualca n’qeveri, se na nuk jena homofoba. Kur ministri asht n’udhtim,
atëherë zavendsi ulet n’venin e tina, kurse zavenszavendsi, ban masazh apo vepron
ner tavolinë.
Zavendsat e ministrit të ekonomisë, do
t’çohen me punu kameriera n'hotelin e Pacollit, kshtu i shërbejnë votusit.
Kshillanat kanë për detyrë me menue se ministrat dhe zavendsat, nuk kanë kohë
se duhet me punue për Kosovën. Nejse, kolegë t’dashtun, ata ju njoftojnë shpejt me uacup për zyrat
tjera. Ato parime t’larpërmenme, duni mi respketu. Edhe ni gja mos harroni!
Ndalohet me nu fotografitë e zavendsave në webfaqen e Qeverisë. Na e dina sa
jena, e pse jena! As biografitë mos i shkruni, se disa nuk kanë çka me
shkrujt. Kjo vlen edhe për kshillanat se disa i kanë zgedh sipas bukurisë. Siç
thash, kimi edhe ministra që ju kryhet betha!
Du m'i than edhe dy fjalë për
kryetarin, por mos ia nxirrni bishtin me kallxu jashtë. Ai ka çit nënshkrim për
themelimin e gjykatës, e tash po thotë
se na kanë mashtru. Nuk na kanë mashtru neve, por ai ka pas ymyt se i burgos 59
dhe vet shpëton. Tash po thotë se edhe me demarkacionin na kanë mashtru. Nuk na
kanë mashtru neve, por e ka nënshkru kryetari. Nesër ka me than na mashtrun
edhe për Republikën Serbe në Kosovë, por teveqeli e ka nënshkru vet. Unë e di
se kush asht xharpni, kush zhapini! Ai njeh vetëm sistemin adiministrativ: “Moucateque”, por tash ka me mar vesh
edhe disciplinën teme administrative “perpikeff!”
Shumë ministra në sallë kërkuan informata
rreth të këtyre degëve të reja në shkencat administrative. Kryeministri me
kënaqësi dhe krenari shpjegoi dy parimet vendimmarrëse të zbuluara dhe zbatuara
me fanatizëm në Kosovë.
Ai tha se “moucatteque” është zbulim i Hashimit, që shqip domethanë “mu ka tekë”, gjermanisht “Mukatäk, si folje, “mukatäkieren.” “Moucatteque”,
në frëngjisht, si folje “moucatttequer”, italisht mucattecare, është kur provon me ba
diçka, dhe, edhe pse ti si protagonist e din se nuk realizohet, e pretendon me këmbëngulje.
Kështu pastaj hedh fajin te ata që nuk t’nimojnë, ose që nuk pajtohen. Me
sistemin administrativ “moucatteque” mund
të fitohen shumë votues. Pra shpërndan shpresa si shumë i meçëm, votusi nin
lezet dhe ti pastaj thu, unë deshta, por nuk më lanë.
“Perpikeff”, italisht “Perpiqueffo”,
frengjisht “perpiqueff”, gjermanisht “perpiköff” asht sistemi jem
administrativ, që e kam zbulu, kur bana master n’Amerikë, por e përkreva kur
mbarova juridikun në Prishtinë. Ai domethanë me marr një vendim sipas qefit dhe
për qef! Ja një shembull nga një pyetje e gazetares Jeta Xharra: “Pse i fale biznismenve
60 milionë?”, ishte pyetja. Përgjigja ime: “Për
pikë t’qefit, mu tekë!” Domethanë si togfjalësh shkencor “Perpikeff and Moucatteque!” Siç shihet
me zbatimin e ‘moucatteque’ dhe ‘perpikeff’, Kosova bëhet shteti më
modern në botë, por ni gja mos harroni: Ato mun m’i zbatu n’andiministratë viç
ai që ka rreziku jetën për Kosovën: Hashimi, Kadrija dhe unë.
Kolegë t’ dashtun du m’i fol edhe dy fjalë
për specialitetin e Gjykatës. Unë menoj se ajo do m’i burgos maspari nja 58
veta, e në fun Hashimin dhe Veselin, por detyra jonë asht me nreç ktu ni
speciale. Gjykatsat i kena, edhe prokurorat, dëshmitaranat janë nga Kosova dhe
nuk harxhohet shumë Holanda, se te na kushton ma lirë. Pastaj juristat tonë
janë shkollu n’fakultetet ma t’reja t’Evropës, n’Kosovë. Janë prodhim vendorë! Kjo
nuk asht hajgare! Pastaj n’Kosovë mun edhe mu amnistu, jashtë venit asht goxha
vështirë. Nuk mahet i gjalli në burg për t’vramin! Ka edhe disa ide me pengue
specialitetin e Gjykatës tu mobilizu veteranat dhe me rrethu Bondsteelin! Nuk
di çfarë vendimi merr Hashimi. Po presim!
Për kravatat e faleneroj shumë popllin
e Kosovës, por mu n'duhen edhe mercedeska, pizhama, kpucë, çorapa. Nuk mun
kryeministri me hec viç me kravata e cipridan cullak! E tone, unë e vari ni n'çafë,
jo 200! Unë thash kmisha e kravata vetëm si metafurë letrare, se për ato kom
boll pare, po rroga ishte shumë e vogël sa met ardh marre me shkue n’punë.
Pastaj edhe zoja e parë e venit ka nevojë për do cingli mingla!
Qeveritarë t’dashtun ni gazetare m’pyti
pse e punsova dhandrin. I thash se edhe aj asht qytetar i Kosovës. Edhe ai
kërkojke punë. Edhe ju duni me kshyr e me rehatu dikan pi familjes sa nuk bahet
vonë! Edhe ai veprim i jem ishte veprim shkencor që bazohej në “mouqatteque dhe perpikeff!
Ngoni ktu, ata në Perënim marrin si
kshillana profesorë universiteti, filozofë t'mdhaj, sociologë me emën, njerz të
pasun, unë marr zhelana, t’braktisun. Ky asht akt social! Ne i marmi për sevap,
gazetarët, ose të papuntë! Kshillani nuk duhet mu kan ma i meçëm se
kryeministri se politika bahet tollovi.
Keine Kommentare:
Kommentar veröffentlichen