Lis Bukuroca : Një rrugë pa rrugë, Laoce, dritare

Dao është "rruga konstante dhe e vërtetë, një rrugë pa rrugë, një rrugë që krijohet nën këmbë gjersa ecet mbi të.

Kur je në depresion,
ti jeton në të kaluarën!
Kur ti ke frikë,
ti jeton në ardhmëri!

Kur ti je në paqe me vetveten,

atëherë ti jeton në kohën e tashme.

Gjatë përpjekjes për dije,
vazhdimisht shtohet diçka.

Gjatë zbatimit të Daos,
çdo ditë hiqet dorë nga diçka.

Njerëzit banalë shikojnë vetëm fitimin! Njerëzit e drejtë pa parà kanë shumë famë. Njerëzit e mirë me talente dhe para, vlerësojnë idealet e tyre, por ai që njeh qiellin dhe tokën, gjen pasurinë e tij në esencë.

Fatkeqësia dhe bekimet vijnë nga veprimet e njeriut. Shpërblimi për të mirën dhe ndëshkimi për të ligën, na shoqërojnë si hije.

Vetëm në fund të rrugës sonë
qëndrojnë përgjigjet.

Nëse ti je kureshtar i madh për të mësuar metodën, por zemra jote nuk është e hapur, nëse e merr rrugën e metodës në vend që të ndjekësh rrugën e zemrës, atëherë do të privohesh nga ndihma në ndërtimin e vatrës së brendshme shpirtërore.

Unë kam tri thesare,
që i ruaj dhe kujdesem për to:

E para është dashuria,
e dyta është ngopja,
e treta është përulësia.

Vetëm njeriu që dashuron, është i guximshëm,
vetëm njeriu i ngopur, është bujar,
vetëm i përuluri është i aftë të sundojë.

Unë vështroj veten dhe
nëpërmjet saj, kuptoj të tjerët.

E vërteta mjaftohet me pak fjalë.

I urti kujdeset për rrënjën,
sepse nëse përhapet mirë,
do të rritet nga ajo virtyti.

Nga mendjelehtësia

humben rrënjët,
nga shqetësimi humbet qartësia dhe kontrolli.

Është i pasur, kush e di
se ka mjaft.

Ruaje çdo ditë
gjysmë ore

për shqetësimet tua.
Dhe,

në atë kohë,
bëje një sy gjumë.

Kur të dashuron dikush, të bën të fortë,

kur ti dashuron dikë, të bën të guximshëm.

Nëse dëshiron të marrësh gjithçka,
braktis gjithçka!

Lakueshmëria dhe të qenit i epshëm
janë kujdestarët e jetës,
Ngurtësia dhe forca

Janë ushtarët e vdekjes.

Nëse unë heq dorë nga ajo që jam,
do të bëhem çfarë mund të isha.
Nëse unë heq dorë nga ajo që kam,
marrë atë që kam nevojë.

Kthimi në rrënjë domethënë: heshtje.
Heshtja domethënë kthimin në fat.
Kthimi në fat domethënë përjetësia.
Njohja e të përjetshmes do të thotë: iluminizëm.

Të mos bësh asgjë është më mirë,
se sa me shumë përpjekje,
të mos krijosh asgjë.

Ushtro mosshqetësimin,
angazhohu me mosveprim,
gjej kënaqësi nga lënia e kënaqësive,
atëherë do të shohësh të madhen në të voglën

dhe të shumtën në të paktën.

Nëse je në harmoni me rrugën,

atëherë të përshkon ty fuqia e saj.

Gjërat janë aty
që njeriu t’ i përdorë,
për të fituar jetën
dhe jo,
të përdorësh jetën,
për të fituar gjërat.

Kushdo që njeh të tjerët, është i ditur.
Ai që e njeh veten, është i urtë.
Kushdo që mposht të tjerët, ka fuqi në muskuj.
Ai që mposht veten, është i fortë.
Kush është i kënaqur, është i pasur.
Kush nuk humb qendrën, është i pangadhënjyeshëm.

Pyetja e vetme që ti duhet

t’ i përgjigjesh është:
"A je bërë Ti, vetvetja Ti?"

“Dao” domethënë „udha“, „rruga“, „shtegu“ dhe ka kuptimin edhe të „metodës“, „parimit“ „udha e drejtë.“ Laoci, Lao Cu ‚mësues plak‘ është një filozof kinez, i cili duhet të ketë jetuar para diku 2600 vjetëve. Mendohet se ai ka shkruar “Tao Te Çing”, ose Daodexhing, “Libri i udhës dhe virtytit.” Emri tij shkruhet Laoce, Lao Ce, ose Lao Cu. Katër shekuj pas vdekjes ai u ngrit në perëndi në mes tre të pastërtëve të daoizmit. Daoizmi, ose Taoizmi, është filozofi dhe botëkuptim kinez. Në Kinë përjetohet si religjion autentik. Atje ka 60 milionë besimtarë të daoizmit, por të tillë gjenden edhe në Malajzi, Vietnam, Japoni, Singapor dhe Kore.

Për lexuesit e blogut, nga gjermanishtja Lis Bukuroca

Libra nga Lis Bukuroca:

Kuptimi i jetës te amazon *

Kuptimi jetës te lulu **

Letër burrave (I )te amazon

Letër burrave (I) te lulu

Letër burrave (II) te amazon

Letër burrave (II) te lulu

Ngjyrat e dashurisë te amazon, roman vetëm për lexues të moshës madhore

Ngjyrat e dashurisë te lulu, roman vetëm për lexues të moshës madhore

Shtatë parimet e dashurisë

Hijedritat e jetës