Ja pse Shqipëria është një rekomandim absolut, RTL, Gjermani

Bukuri e pazbuluar në Ballkan

Plazhet fantastike si nga një libër me ilustrime, visore të egra dhe romantike dhe një kulturë magjepsëse -dhe,  për momentin ende çmimet më të lira në Mesdhe. Fjala është për Shqipërinë. Vendi i vogël në Ballkan është një nga destinacionet më të nënvlerësuara, por ndoshta jo shumë kohë. Planet Lonely zgjodhën Shqipërinë si destinacionin absolut të ëndrrave - dhe numri i vizitorëve ngadalë po rritet.

Pushimi në Shqipëri nuk e zbraz shumë portofolin tuaj

Nëse Kroacia ndërkohë është e mbushur me turistë dhe Greqia është shumë e shtrenjtë, atëherë ndoshta duhet bërë një një vizitë në Shqipëri. Brigjet e detit janë të mrekullueshëm, ka shumë histori për të zbuluar dhe plazhet nuk kanë asgjë mangut nga ato të vendeve të tjera të Mesdheut. Dhe: Është pakrahsueshëm lirë!

Ende në Shqipëri për pushimet verore, për dy javë, mund të merre një apartament familjar për katër veta me pishine për përafërsisht 750 euro, me udhëtimin vetjak dhe ushqimin. Kjo është rreth gjysma ose një e treta e çmimit të banesës kur krahasohet me destinacionet klasike të pushimeve. Dhe kostoja e ngrënies në një restorant është  e maksimalisht një e treta e nivelit spanjoll apo italian.

Shqipëria është shumë e shumanshme

Përveç Detit Adriatik dhe Detit Jon, në shtetin e vogël ballkanik ka edhe Alpe Shqiptare.

Dhe siguria? Kur përmendet Shqipëria shumë mendojnë te krimin e organizuar, vjedhjet e makinave dhe prostitucioni. Por shqetësimi është i pabazë. Edhe pse mund të vijë aty këtu ndonjëherë te "përdorimi i forcës në kriminalitetin e vogël dhe të rrugës", siç njofton Zyra e Jashtme, por ato janë jashtëzakonisht të rralla. Dhe - për fat të keq - mund të ndodhë në pothuajse çdo rajon pushimesh. Paralajmërimet zyrtare për mos udhëtimi nuk ka për vendin e vogël në veri të Greqisë.

Ka shumë arsye për të vizituar vendin në detin Jon dhe Adriatik - plazhet si në ëndrra është njëra prej atyre. Por vendi i vogël ballkanik ka shumë më tepër për të ofruar, duke përfshirë edhe Alpet shqiptare. Ne ju paraqesim udhëzimet më të nxehta për vendin e vogël në Ballkan.

Këtë nuk duhet ta humbisni  në Shqipëri:

Në plazhin e Ksamilit ju keni përshtypjen e të qenit në Karaibe.

Plazhi i Ksamilit

Në jug të Shqipërisë ngrihet vendi i vogël Ksamil, i cili është njëri ndër plazhet më të bukur. Një përzierje e zhavorrit dhe rërës formojnë bazën e saj, e cila ndikon që uji të jetë i kaltër si kristali me vezullime blu. Para plazheve janë katër ishuj të vegjël, dy prej tyre madje afër sa arrihen me not. Për te të tjerët mund të ecni nëpër gunga rëre aty ku është uji i cekët. Gjatë motit të mirë njeriu mund të shohë nga këtu Korfuzin, i cili shtrihet në anën tjetër të detit Jon.

Butrinti i lashtë

Parku Kombëtar i Butrintit është gati 9,500 hektarë dhe ofron një visore magjepsëse. Atraksionin kryesor i parkut është rrënoja antike e Butrintit. Butrinti është një nga vendet më të bukura arkeologjike në Shqipëri (disa datojnë që nga shekulli i VIII para Krishtit) dhe Butrinit është një nga destinacionet më të njohura turistike të Shqipërisë dhe një nga atraksionet më të famshme turistike të vendit. Në vitin 1992 ai u shpall nga UNESCO  Trashëgimi Botërore. Ka tempuj, rrugë, teatro dhe kisha të grekëve të lashtë, romakëve, të krishterëve të hershëm dhe osmanëve.

Liqeni malor Syri i Kaltër (Blue-Eye)

Syri i kaltër është rreth gjysmë ore me makinë nga Ksamili. Këtu buron një lumë i tërë nga nëntoka. "Syri i Kalter" është burimi më i pasur i ujit në vend. Thellësia e tij vlerësohet diku më shumë se 25 metra. Për shkak të ngjyrës së saj të kaltër, burimi i ftohtë me 12 shkallë i liqenit malor quhet edhe "Syri i Kaltër". Të regjurit kërcejnë në lagështinë e ftohtë, të tjerët i gëzohen vetëm ujit të thellë blu, me ujë të pastër si kristali dhe peizazhin e egër romantik.

Gjirokastër - qytet me një mijë shkallë

Gjirokastra është qendra kulturore e Shqipërisë dhe prandaj aty duhet zbuluar disa gjëra. "Qyteti i një mijë shkallëve" që nga viti 2005 është përfshirë në Trashëgiminë Botërore të UNESCO-s dhe është një nga qytetet më të vjetra në vend. Epiteti i detyrohet pamjes unike të qytetit. Kështjella të vogla që i përngjajnë shtëpive karakterizojnë tani e shumë  shekuj lagjen rreth kështjellës, qytetin e vjetër të sotëm. Gjirokastra është gjithashtu qendra kulturore e Shqipërisë

Berat - Qyteti i një mijë dritareve

Berati është një nga qytetet më të vjetra në Shqipëri dhe impresionon me shtëpi të bardha, xhami dhe kisha. Berati quhet edhe "Qyteti i njëmijë dritareve", sepse shtëpitë tipike formojnë një fasadë dritaresh dhe formojnë imazhin e qytetit. Shtëpitë e bardha janë përfshirë nën mbrojtjen e monumenteve historike, kështu ruhet pamja origjinale. Qysh në vitin 1961 Berati u emërua një qytet muze. Që nga viti 2008, është një vend i Trashëgimisë Botërore të UNESCO-s, prandaj në tre lagjet e vjetra Mangalem, Goricë dhe Kalaja ndërtesat e reja u ndaluan plotësisht.

**************************

Më shumë nga Lis Bukuroca:

Ngjyrat e dashurisë,

Hijedritat e jetës, poezi 2010 – 2017

Letër burrave 1

Letër burrave 2