Desha të blej

- Mirëdita! Dua të blej një divan që kushton 2.000 euro.

- Ah, shumë bukur! Më jepni numrin e modelit, pastaj emrin, mbiemrin dhe adresën, ju lutem, që ta dërgojmë.

- Mirë, po divanin e dërgoni edhe me vajzën e bukur në reklamë, që është e shtrirë gati lakuriq?

- Jo, natyrisht që jo! Modelja nuk përfshihet në ofertë.

- Po mirë – thashë unë – por ju e keni vendosur çmimin në reklamë bashkë me të.

- Po, zotëri, por ajo është aty vetëm për dekor.

- Pse nuk e shkruani atëherë?

- Sepse është e vetëkuptueshme!

- Epo mirë, atëherë edhe çmimi duhet të jetë gjysmë i reklamës. 1.000 euro!

- Jo, nuk mund ta ulim çmimin në këtë mënyrë!

- Po sa mund ta zbrisni çmimin pa vajzën ju lutem?

Pas pak, 5%!- tha ajo. 100 €.

- 100?!!! Vetëm 100€ paska vlerë ajo bukuroshe? Atëherë po e blej vetëm bukuroshen!

- Po talleni? Ajo nuk shitet!

- Po ju thatë që pa bukuroshen kushton 5% më lirë. Unë nuk po kuptoj! Njëherë e vendosni çmimin me të, pastaj e hiqni atë nga divani dhe e zbrisni çmimin vetëm 100 €, duke ulur vlerën e saj?! Zonjë, mua divani më pëlqen me modelen…

- Nuk mundet! – tha ajo duke humbur durimin.

- Pse nuk e keni shtrirë atëherë aty një burrë?

- Sepse do të duhej ta zbrisnim çmimin për 50%.

- Pa modelen vetëm 5%?!

- Po!

- Nuk e blej – shtova i zhgënjyer dhe mbylla telefonin…

Imazhi i gjeneruar me ideogram