Bëhu çlirimtar

Natën udbash, ditën patriot —

Kush i polli, o dreq? Kush i polli, o zot?

Ditën virgjëresha, natën rrospija —

Në dritë "rroftë Kosova", në terr „rroftë Serbia!

"Voto Gjykatën! Është atdhedashuri!”

Po s’dole sot në protesta, quhet tradhti.

E besoja gjykatën, si gjykatë lajtore —

Quhej “Speciale”, tingëllonte madhështore.

Dikur më duhej pozita, firmosja pa lexuar

Kur i lexoj i shtrirë, ndihem i trishtuar.

Vuaj për Hashimin, me zemër të thyer —

U hodh në pranga, me imazh përlyer.

Tani jam i sëmurë, do vdes i penduar

Ah sikur të mundja, do kisha protestuar.

Edhe kundër vetes dhe votuesve të tjerë

Kundër gjithë atyre, që Kosovën kanë dhjerë.

E luftuam UÇK-në, se ishin shumë trima

Nga guximi tyre, nuk na zinte vrima.

Tani nuk kam frikë – rroftë UÇK-ja jonë!

Një votë e verbër zbehu lavdinë tonë.

Më ndjek faji — ndihem ndërgjegjevrarë,

Në protesta gjej guximin — bëhem çlirimtar.

Kam frikë nga vdekja, vepra si zhgënjim —

Në pasqyrë s’mund ta shoh veten, pa turp e mallkim.