Të bëhësh mbret nuk është vështirë

Roman nga Andreas Izquierdo me tematikë shqiptare.
König von Albanien - Mbret i Shqipërisë

6 Nëntor 2007 - Si bëhet njeriu mbret në të vërtetë? Në rastin ideal duhet të jetë princ. Ose martohet njeriu me dikë nga familja mbretërore. Ose me një puç e merr kurorën. Oto Vite nga Dortmundi zgjodhi një rrugë tjetër: në vitin 1913 ai zbuloi fronin vakant të një shteti dhe shih, ai bëhet mbret i Shqipërisë. Andreas Izquierdo, në të vërtet i njohur si shkrimtar i romaneve kriminalistike, skicon jetën e një shoumani, endacaku dhe mashtruesi. Ky ishte 5 ditë mbret i Shqipërisë. Të bëjë magji dhe të hedhë fall, kishte ditur qysh më parë; me cirkun Althof kishte udhëtuar nëpër tërë Europën. Piratët e burgosin në Ballkan, arratiset në Afrikë dhe në vitin 1912 arrin në Turqi. Shërbimi sekret turk kishte marrë vesh për aftësitë e tija simuluese, dhe për këtë Shërbim gjatë Luftës së Parë Ballkanike, kishte vjedhur placet e marshimit ushtarak të Bullgarisë. Përsëri nisi udhëtimin në Gjermani me qerren e tij “Kështjella në rrota” për t´informuar shikuesit për karrierën e tij të shpejt si agjent sekret i Shërbimit Sekret turk dhe për aventurat që të çojnë flokët përpjetë, vërtetësia e të cilave ishte shumë e dyshimtë. Në vitin 1912 dëgjon në Konstantinopël se froni shqiptar qenka i zbrazët. Vendi shpall pavarësinë pas 400 viteve dhe është duke kërkuar një princ që do të bëhet mbret. Në të njëjtën kohë Oto vëren ngjashmëritë e tija me princin Halim Edine, nip i sulltanit të fundit, i cili edhe llogaritet si pasues i mundshëm i mbretit. Me shokun e tij Maks Hofman shkon në Vien porositë te rrobaqepësi një uniformë gjenerali të ushtrisë turke dhe i dërgon dy telegrame në Shqipëri, me të cilat paralajmëron ardhjen. Në fillim vetëm si princ, mirëpo megjithatë, duhet të marrë komandën mbi dy garnizone turke. Oto prezantohet si princ Edine, ndërsa Maksi si sekretar i tij. Gjeneralët përshëndesin këta ushtarakisht, princi mirëpret parakalime ushtarake dhe i premton vendit pasuri dhe fuqi. Pas dy ditëve i ofrohet kurora mbretërore. Shoumani nga Dortmundi i cili nuk di shkrim-lexim bëhet mbret i Shqipërisë. Populli e nderon atë, i jepet një pallat, thesar dhe një harem.Pas pesë ditëve merret vesh mashtrimi: princi Edine pyet se kush po harlisej ashtu në Shqipëri. Oto ikë, mirëpo jo pa marrë me vete arin dhe stolitë mbretëror. Ai zihet në kufirin austriak. Kur u thotë doganierëve se ai ishte ish-mbreti i Shqipërisë, ata e dërgojnë në spitalin psikiatrik në Salcburg. Në Salcburg mjeku fiktiv Shilheger dëgjon rrëfimin e tij dhe i premton se do ta shkruaj atë dhe pastaj e lëshon Oton si të shëruar.
nga gjermanishtja Lis Bukuroca