Kosova, ne, të përgjumur, serbët, të përkushtuar

05.01.2009

“Jam i bindur se Kosova nuk ka ardhmëri si shtet i pavarur në Unionin Evropian, por vetëm si krahinë e Serbisë, - deklaroi kryetari i Serbisë, Boris Tadiç. “Iluzionet se Kosova me dominim shqiptar mund të bëhet shtet i respektueshëm dhe hapësirë e civilizuar, ku njerëzit jetojnë të lirë, pa marrë parasysh përkatësinë e tyre nacionale, bie në ujë. Jam i bindur se tani, ndoshta Serbia ka pëgjegjësi më të madhe se kurrë më parë që Kosova si regjion të bëhet hapësirë Evropiane”,- vlerësoi Tadiç.
Ai shpreson se Gjykata Ndërkombëtare do të deklarohet për ligjshmërinë e pavarësisë dhe se do të sillet një vendim pozitiv për Serbinë.
“Besoj se atëherë do të rriten mundësitë përsëri që të kthehemi në tryezën e bisedimeve, mirëpo jo që në atë mënyrë ta destabilizojmë regjionin. Serbia nuk dëshiron konflikt, por zgjedhje, e cila nënkupton zhvillim, qëndrueshmëri dhe ruajtje e integritetit territorial”. - tha Tadiçi.
Shqiptarët janë përgjumur dhe Serbia nuk pushon me propagandë dhe provokime. Në fakt, Kosova është ndarë dhe ata po financojnë ndarjen. Ata po punojnë me përkushtim të madh dhe dalëngadalë po ia dalin ta paraqesin Serbinë si viktimë. Në internet, faqet serbe janë plot me propagandë. Tash, kryetari i shtetit serb shpall shqiptarët e Kosovës si popull i paaftë për civilizim dhe vetëm kërbaçi i Serbisë mund t´i civilizojë ata...
Në radion B92, nga 14 reagime, vetëm dy vetë pajtohen me kryetarin Tadiç, të gjithë e kundërshtojnë, ose për mungesë realiteti, ose për racizëm.
Kjo deklaratë e Tadiçit është mirë të shpërndahet dhe përkthehet në gjuhët kryesore të botës, kryesisht në atë arabe. Së paku ato vende duhet ta shohin se çfarë racisti janë duke mbështetur...

U botua ne:Shekulli