Kosovë, mos t'kofshin fal

Kosovë më vjen marre,

t'kanë Nanë

e t'vjedhin pare!

Kosovë mos t'kofshin fal,

hajnat tu të përdalë!!!

Ta morën ftyrën

ta prishën nderin,

s'ka as rrymë

ndiz fenerin!

Mjerimin ty ta shkrujtën në ballë,

t'i banën mend ty krejt dhallë!

Kosovë mirëpo mos u mërzit

u vjen fundi

edhe atynve një ditë!

Ti ke thanë:

Kunglli nuk shkon gjithmonë mbi ujë

ngrite zanin 

kurrë mos shuj!!!

Pa kajt fmija

nuk ka gji,

dil e piskat

si fëmi!

Njeri gjallë revoltohet

kur nga e liga, ai sundohet!

Njeri gjallë lufton padrejtësi

burgu asht për ftyrëzi!

Nëse hesht, nuk je gjallë

zullumi trashet, ty t'ban budallë!

Kosovë mos t'koftë fal,

nuk t'ka nanë

s'e ki djalë.

frymëzim nga mendimi proverbial i Qosjes:

Shqipëri të qofsha fal,

të kam nënë, më ke djalë.