Matoshi dhe logjika komuniste e të menduarit

“Sulmi i cmendun mbi konzulaten turke ne Prizren asht sulm mbi token dhe shtetin turk!”

Kjo është metodologjia komuniste dogmatike e të gjykuarit. Natyrisht se sulmi nuk është i drejtë, por të thuhet se me atë akt është sulmuar shteti turk, siç e bëjnë kurdët për shembull, është naivitet i skajshëm, qëndrim tendencioz dhe luftë për pika. Pra, kur sulmonte dikush diktatorin, nuk sulmohej vetëm ai, por krejt shteti dhe krejt klasa punëtore. Nuk mbrohet demokracia me postulate dhe me riçeta komuniste! Të vazhdojmë tutje:

“Tashma nji kohe te gjate, nacionaliste hajgarexhi e t’patru po nxisin nji urrejtje ndaj shtetit turk dhe kombit turk ne Kosove, tuj e vu ne rrezik kredibilitetin e shtetit kosovar…”

“Hajgarexhinj pa tru!” Ai që nuk ka tru, nuk ka as aftësi juridike dhe nuk mund të gjykohet. Nëse janë “hajgarexhinj”, atëherë duhet të kenë tru. Nëse nuk kanë, atëherë duhet të jenë të vdekur dhe nuk mund të gjykohet, ose të japin përgjegjësi.

Çfarë paskan bërë “hajgarexhinjt?” Ata”paskan cenu imazhin e Kosoves, para miqeve e animqve!” Edhe para armiqve! Hajde tru, hajde! Pastaj njerëzve pa tru, njeriu me tru, iu drejtohet duke i qortuar : “ ju nuk dini ta cmoni shtetin sovran – atdheun e kosovareve dhe e sulmoni ate…Ju jeni anmqit ma t’urryem te Republikes!”

Pastaj vazhdon në stilin stalinist duke numëruar mëkatet dhe veprat penale të tyre, sepse kështu përligjej pushkatimi i njerëzve nëpër diktatura: “Ju po e lueni lojen e Beogradit zyrtar qe thotë se shqipatret jane te paafte me ndertue e mbajte shtet!” 

Në qindra shkrime ky ka sulmuar aftësinë e elitës politike për të ndërtuar shtet. Tani kjo po dëshmuaka nga disa veta, jo nga shteti plutokratik! Ai çdo njeri përpiqet ta shndërrojë në tradhtar, pse? E kërkesa për ta bërë kombin shqiptar komb islamik ishte patriotizëm? E kombi kosovar, është atdhedashuri apo projekt nga Beogradi?

Dhe, për ta shpërndarë fajin në mënyrë komuniste nga disa veta, akuzon popullin:”Sepse poulli qe sulmon perfaqesite e hueja diplomatike nuk di me e vlersue lirine!” Domethënë, nëse disa veta bëjnë vepra penale, populli bart përgjegjësi për mungesë vigjilence!

Çfarë paskan bërë tjetër ata: “ Ju e keni lendu e fye festen e flamorit – 28 nandorin; Ju e keni lendu edhe Shqipnine edhe Kosoven! “

Keni lënduar Shqipërinë dhe Kosovën! Ju jeni ngritur kundër dy shteteve, plus Turqisë, kundër tre shteteve! Çfarë janë ata? Ata sipas njeriut me tru, janë terroristë dhe duhet të dënuar me burg të përjetshëm. Ai mendim tregon se rendet ndryshojnë, por të menduarit, logjika dhe metodologjia komuniste, nuk çrrënjosen! Se për demokraci nuk mund të luftohet me koka staliniste, edhe pse i referohen tërë kohën demokracisë pa e kuptuar!

Kosovapost