Gjuhët e zotit

një herë thanë zoti flet një dialekt të hebraishtes

pastaj thanë, jo, zoti sapo mësoi latinishten

dhe kur e mësoi mirë, nisën kryqëzatat

pastaj Girodano Bruno, Galilei, shtrigat etj.

një ditë zotit iu tek ta përvetësojë edhe një gjuhë:

pas disa shekujve studime, mësoi mirë arabishten

dhe rinisi lufta fetare dhe kokat

pastaj serbet dhe grekët ia mësuan zotit edhe dy gjuhë:

ai flet vetëm greqisht, thanë të parët

ai flet vetëm serbisht, thanë të dytët

dhe stërvitën zotin si bekohet plumbi dhe tanku

edhe pse ia mësuan disa gjuhë me zor

ai nuk tha asnjë fjalë me vullnet të lirë