Matematika politike kurde

Izraeli është për shtetin kurd.

Amerika shprehet e indinjuar.

Turqia e gatshme të marshojë dhe e quan tradhti. Është e gatshme edhe të mbyllë naftësjellësin, nga i cili varet Kurdistani.

Irani është kundër dhe i gatshëm ta pushtojë.

Rusia hesht.

Amerika është kundër Iranit, pra ka arsye për ta mbështetur.

Rusia është pro Iranit. Një marrëveshje e Trumpit me Rusinë, do të ndikonte në ndryshimin e raporteve.

Izraeli është për shtetin kurd, pra Amerika ka arsye për të mbështetur shtetin kurd.

Izraeli është kundër Iranit, pra ka nevojë për shtetin kurd.

Turqia është kundër Asadit.

Në favor të Asadit lufton Rusia.

Turqia lufton Asadin dhe kurdët. Ushtarët amerikanë ruajnë kufirin Turqi Rusi ku jetojnë kurdët.

Rusia nuk është kundër kurdëve dhe nuk ka në listë të grupeve terroriste PKK kurde, pra duket se është në interes rus shteti kurd.

SHBA ka armatosur kurdët dhe është ushtri tokësore e aleatëve që luftojnë terrorizmin e Kalifatit.

Rusia, mirëpo, është mike me Iranin. Këtu komplikohet pak çështja. Duhet garanci edhe për Iranin, që ka pushtuar troje kurde.

Trump është kundre Iranit, si edhe Turqia.

Turqia në anën tjetër sillet në kundërshtim me interesat e NATO-s dhe mund të merret me mend se çështja kurde do të prishë apo krijojë aleanca të reja në Lindje të Afërt.  Pasojë logjike do t’ishte bashkimi i trojeve kurdë në Siri me ato në Irak dhe ndërtohej shteti kurd. Numri më i madh i kurdëve, mirëpo gjendet në Turqi.

Me diskriminimin e kulturës dhe identitetet kurd, Turqia nuk do të ketë stabilitet. Pa apo me shtetin kurd. Me barazimin e tyre para ligjit, ndikohet në identitetin e tyre dhe përforcimin. Rilindjen kurde nuk mund ta ndalë më Turqia, sepse interneti nuk pranon kufizimet e despotit me 1000 dhoma.

Si do të përfundojë?

Duket se Izraeli, Rusia më vonë edhe SHBA-të, do të pajtohen me shtetin kurd, sepse nuk ka asnjë arsye logjike të detyrohen të jetojnë në një shtet, të cilin nuk e konsiderojnë të vetin. Fuqive të mëdha u mbetet të garantojnë Turqinë se shteti kurd, nuk do të kërkojë bashkëngjitjen e trojeve kurde në Turqi. Ndoshta Rusia do të kërkojë garanci edhe për Iranin. Trump ka qëndrim krejtësisht tjetër ndaj atij shteti. Mund të pritet edhe ndonjë sulm në të ardhmen gjatë këmbënguljes për ta ndryshuar marrëveshjen. Nëse ndodh kjo, atëherë mund të pritet shtrirja e shtetit kurd edhe atje. Problemi kryesor amerikan është tani, si të ndalet Erdogani. Nëse Izraeli e pranon shtetin, atëherë mund të pritet mbyllja e naftësjellësit, por jo marshimi. Me marshimin mund të përjetojë Turqia një  shpërthim brenda vetes. Irani nuk mund të besohet se do të sulmonte shtetin e ri.

Shteti kurd do të krijohet. Pushtimet kanë zgjatur me shekuj, por një ditë mbarojnë. Gatishmëria për të vdekur për liri është kudo më e madhe se sa për të vdekur për pushtim! Koha e shteteve koloniale është në përfundim e sipër. Mund të mendohet se amerikanët pajtohen, por sjellja e tyre është  taktike. Në anën tjetër, pa shtetin kurd, nuk do të ketë paqe! Ata tani janë të armatosur mirë dhe stërvitur nga Perëndimi.

Libra nga Lis Bukuroca