Lis Bukuroca : Aforizma mbi injorancën (3)

"Në këtë vend të injorantëve një njeri që arrin të dallojë mënyrën kushtore nga mënyra lidhore, rrezikon të merret për intelektual." Enrico Vaime, 1936 - shkrimtar italian, dramaturg, regjisor.

"Dituria është një burim, por për fat të keq, injoranca është një det." Franco Zeffirelli 1923 – 2019 regjisor italian për film, teater dhe operë

"Njeriu që sot diplomon dhe ndërpren të mësuarit, nesër do të jetë injoranti i së ardhmes." Diehl Baker Jr 1871 – 1937 politikan amerikan.

"Vetëm të arsimuarit adhurojnë të mësuarit, injorantët parapëlqejnë të japin mësime." Anonime

"Të të qenit injorant nuk është aq turp, sa mungesa e gafitshmërisë për të mësuar." Benjamin Franklin, 1706 – 1790 botues, shkrimtar, shkencëtar, zbulues dhe burrë shteti amerikan.

"Duhet me qenë injorantë i madh për t' iu përgjigjur gjithçkaje që na pyesin." Voltaire

"Shkenca frikëson vetëm ata që nuk e njohin atë. Kjo është gjithashtu për shkak të shtrembërimeve të masmedias. Por në realitet shkenca është e vetmja gjë që dallon homo sapiensin nga pjesa tjetër e krijesave të gjalla. Ajo duhet të kultivohet, por jo të bllokohet." Rita Levi-Montalcin 1909 – 2012 mjeke dhe neurobiologe, çmimin nobel në vitin 1986 për faktoret e rritjes së qelizave

Për fat të keq, pjesa më e madhe e popullsisë përbëhet nga njerëz injorantë, nga kopje, ose me të vërtetë të këqij: të privuar nga aftësitë kritike dhe të gatshëm për të ndjekur atë që e ngre zërin i pari, atë që u thotë se posedon "të vërtetën!" Vasco Rossi,1952 - këngetar italian, radiomederator

"Se ekziston një njeri që vdes në injorancë, edhe pse kishte aftësi për të mësuar, është ajo që unë e quaj tragjedi." Thomas Carlyle, 1795 - Februar 1881, eseist, historian skocez.

"Njerëzit e egër, si të gjithë injorantët, i atribuojnë ndonjë 'zoti'* të gjitha efektet e të cilave, për shkak të mungesës së njohjes së botës, nuk arrijnë të kuptojnë shkaqet e vërteta. Pyetni një të egër se çfarë e bën të lëvizë sahatin tuaj, ai do të përgjigjet: 'një zot.' Pyetni njerëzit tanë të mençur se çfarë e bën universin të lëvizë, ata do të përgjigjen: 'zoti’.“ Jean Meslier 1664 – 1729 prift francez, iluminist radikal.

"Injoranca çon në teprimin e rëndësisë së bukurisë, shëmtisë dhe cilësive të tjera." Dalai Lama

"Është e sigurt se injoranca e lidhur me pushtetin është armiku më i egër i drejtësisë që ajo mund të ketë." Arthur Baldwin 1924-1987 shkrimtar amerikan

"Partia më e mirë nuk është tjetër veçse një lloj komploti kundër pjesës tjetër të kombit ... Injoranca i shtyn njerëzit të bashkohen me një parti dhe turpi i pengon ata të lënë atë." Lord Halifax 1881 – 1959, politikan anglez

"Më trego, o njeri i urtë, si ke arritur të fitosh dituri të tillë? Sepse nuk jam turpëruar të rrëfej injorancën time dhe të pyes të tjerët. "Gottfried von Herder 1744 – 1803, poet,teolog gjerman, filozof i historisë dhe kulturës.

"Shumica e gazetave janë literatura dhe tirania e injorantëve." Vincenzo Gioberti, filozof dhe politikan italian.

"Vetëm dijetarët e mëdhenj dhe injorantët e mëdhenj janë të pandryshueshëm." Konfuci

"Ajo që ne, - të përgatitur nga kultura-, e quajmë sublime, pa zhvillimin e ideve morale, për njeriun e pagdhendur është thjesht e tmerrshëm." Immanuel Kant 1724-1804, filozof i iluminizmit.

"Njeriu i lirë nuk mund të jetë për kohë të gjatë injorant." William McKinley 1843-1901 ish- kryetar amerikan

"Dua njerëz të shkëlqyeshëm dhe inteligjentë: është e rrezikshme të jetosh në një botë të njerëzve injorantë." Garson Kanin 1912 – 1999 shkrimtar dhe regjisor amerikan

"Njeriu i lirë nuk mund të jetë një njeri i paditur." William McKinley 1843-1901, ish- kryetar amerikan.

"Askush nuk është i autorizuar të jetë injorant." Harlan Ellison, 1934 - 2018 shkrimtar, kritik dhe regjisor amerikan

*"spirito" është përkthyer me zot, sepse ajo fjalë do të duhej përkthyer me "shpirt", për të cilën në italishte është fjala tjetër "anima", frengjisht "esprit et âme", "Geist e Seele gjermanisht", por në shqip kemi një fjalë, sepse "fryma", nuk ka atë kuptim.

Nga italishtja L. Bukuroca

----------------------------------------

Libra nga Lis Bukuroca

Ata që jetojnë në Gjermani mund t'i porosisin disa libra edhe te thalia.de ose në 340 libraritë e saj në Gjermani, Austri dhe Zvicër.

Gjenden edhe te libraria më e madhe në SHBA Barnes and nobles dhe mund të porositet, përveç online, në 630 libraritë e tyre. Shikoni ju lutem se ku ju konvenon çmimi më tepër.

Kuptimi i jetës te amazon *

Kuptimi jetës te lulu **

Letër burrave (I )te amazon

Letër burrave (I) te lulu

Letër burrave (II) te amazon

Letër burrave (II) te lulu

Ngjyrat e dashurisë te amazon, roman vetëm për lexues të moshës madhore

Ngjyrat e dashurisë te lulu, roman vetëm për lexues të moshës madhore

Shtatë parimet e dashurisë

Hijedritat e jetës

Die Asylbewerber, komedi gjermanisht

* Te amazon tash e tutje mund të porositen edhe nga Australia.