Zbulimi i fundit

Zbulohet mbishkrimi i parë i njerëzimit, ku gjendet një dialog i Adamit me kafshët. Në fakt, ky mbishkrim është zbuluar para disa dekadave, por është mbajtur i fshehur nga akademikët shqiptarë.

Pllakën e rizbuloi berberi Ton Gërrgurra, i cili në kohën e lirë, d.m.th. kur nuk rruan surrate, ushtron detyrën e arkeologut, albanologut dhe hetuesit.

Teksti u përkthyer në ship nga Arsim Dudi, albanolog në kohën e lirë, domethënë, kur nuk bën ftohtë sepse duhet të instalojë radiatorë:

(Hetues, sepse në një fletore të Nostradamit ka gjetur emrat e akademikëve që punojnë për një shtet sllav, por nuk i ka bërë ende publike. Tani po tutet. Ai është kërcënuar dhe intimiduar brutalisht nga Instituti i Historisë, Instituti i Albanologjisë, Opera, Teatri Kombëtar, Biblioteka Kombëtare dhe, nga Sheshi Skënderbe.)

Teksti origjinal i mbishkrimit të rizbuluar:

Ktunihere u kanën kryetllafiz

„Deletet, ejaa ktuon! Aushtë kohat me ta pretun krytënë!” thatu i dashmi jemet A-dhami.

“Erdham, zeus Adh-amon, erdham.” tha delmut dhe e lishointu krytënë përmi cungunët.

“Lopësht, shkout teg Eva, reja e kriezeusite për muu‘u mjelënët!”

“Ah menirenei, zeus A-dhamus!”, i thotënë Lopështun dhe erdhate teg unet tue luhatun bishtinorin.

“Faleminderit, Lopesht!”

“Me përner gofshit!” i tha Lopasht plot falpërnerimet.

Teksti i përkthyer nga Arsim Dudi, albanolog në kohën e lirë, domethënë, kur nuk bën ftohtë sepse duhet të instalojë radiatorë:

„N‘fillim u kôn kryellafi

„Dele, hajde ktu! Është vakti me ta prerë kryet.“, tha i dashtuni i im Adami.

„Erdha, zoti Adam, erdha.“, tha delmja dhe e lishëoi kryt n'cung.

„Lopë, shko tek Eva, te reja e kryezotit për m'u mjelur."

„Ah, meniren, zoti Adam!“, tha Lopa dhe erdh te une unë tue luhat bishtin.

„Falemineres, Lopë.“

„Me ner kofsh!“, i tha Lopa plot falënerime."

Përkthim nga shipja në shqip:

Në fillim ishte kryefjala

„Dele, eja këtu! Është koha për ta prerë kryet.“, tha i dashuri im Adami.

„Erdha, zoti Adam, erdha.“, tha delja dhe e lëshoi kryet mbi cung.

„Lopë, shko tek Eva, te reja e kryezotit për t’u mjelë!“

„Ah, menjëherë, zoti Adam!“, tha Lopa dhe erdh tek unë duke luhatur bishtin.

„Faleminderit, Lopë.“

„Me nder qofshi!“, i tha Lopa plot falënderime.

*Atëherë në parajsë kafshët flisnin dy gjuhë: njerëzisht dhe kafshërisht

Imazhi chatGPT