Lis Bukuroca : PISA 2013, nxënësit e Shqipërisë vendin e fundit në Europë

04.12.2013

PISA 2013, nxënësit e Shqipërisë vendin e fundit në Europë

PISA është një studim që bëhet në 65 vende të botës dhe regjione nga nxënësit e moshës 15 deri në 16 vjeç. Çfarë duhet të dinë nxënësit në atë moshë dhe çfarë mundësi duhet të posedojnë, është motoja. Nga ato rezultate mund të shihet se a kanë fituar nxënësit dituritë, që u nevojiten për të marrë pjesë në jetën bashkëkohore, por jo vetëm posedimi i diturisë, mirëpo edhe aftësitë për ta zbatuar atë. OECD është organizatore dhe ka një mesatare të përkufizuar, ku nxënësit mund të jenë nën apo mbi mesataren e paraparë. Provimi kryesor bëhet në matematikë,

aftësia e të lexuarit, shkencat natyrore dhe zgjidhja e problemeve.

Në këtë studim marrin pjesë 34 vende anëtare të OECD, si dhe 31 vende partnere. Të gjithë së bashku përfshijnë 80 për qind të ekonomisë botërore. Shqipëria është nën mesatare e parashikuar nga OECD dhe ka zënë vendin e 57. Të gjitha vendet e Ballkanit janë pozicionuar para saj. Pas Shqipërisë gjenden vetëm këto vende: Brazili, Argjentina,Tunizia, Jordania, Kolumbia, Katari, Indonezia dhe Peru.

101 vjet Pavarësi dhe për 101 vjet ta mbash vendin e fundit në Europë në të gjitha fushat, nuk është shkathtësi, por e barabartë me një tragjedi kombëtare.

Vendet e para kanë zënë Lindja e Largët dhe nga kjo mAAund të shihet si do të duket zhvillimi ekonomik dekadat e ardhshme. Gjermania ka zënë vendin e 16. Franca vendin të 25. Mbretëria e Bashkuar vendin e 26. Në vendin e 32 gjendet Italia. 34 Federata Ruse. 36 SHBA. 40 Kroacia. 42 Greqia, 43 Serbia, 44 Turqia, 45 Rumunia, 46 Qipro, 47 Bullgaria. 54 Mali i Zi...

Njëzet vendet e para

Shangai (Kinë)

Singapur

Hongkong (Kinë)

Taipe Kinez

Korea

Makau (Kinë)

Japonia

Liehtenshtajn

Zvicra

Hollanda

Estonia