Koalicioni i lamës

Trimat ngjeshur sot rreth sofrës

mbushin barkun pa kontroll

me "oreks-koalicion" burrat e botës

e bënë Kosovën Anadoll

me grushte Hashimi i gjuhet flisë

Isa pret dyshime plot

eu, mendon t' i hidhet tatlisë

hyzmeqarët sytë me lot

qeshen, tallen popull degdisur

oshëtijnë, jehojnë pirunat

rreth sofrës të molisur

llupën trimat dhe sumunat

u fshi darka, u fshi lama

në obor mbeti vetëm sana

përlanë tatli e bakllava

lepe peqe, pa parà

ulur përtokë krejt elita

kuku, n' kokërr t' shpinës shkarravitur

plot oreks e plot taktika

kështu thonë e ka politika:

ti gatuan unë përlaj

ti beson unë përçaj

ti voton unë fitoj

ti paguan unë lloçkoj

ikën trimat plancat plot

mirupafshim mot si sot