"Nuk
do të lodhem duke e përsëritur, prandaj do ta përsëris edhe një
herë: nuk ka fëmijë myslimanë, ka vetëm fëmijë të prindërve
myslimanë. Nën një moshë të caktuar, fëmija është shumë i
vogël për të kuptuar se a është mysliman apo jo. Nuk ekziston
asnjë fëmijë mysliman. Nuk ekziston asnjë fëmijë i krishterë!”
“Apeli
im i drejtohet krenarisë ateiste. Njeriu nuk duhet të kërkojë
ndjesë pse është ateist, përkundrazi, duhet të jetë krenar dhe
ballëlartë. Sepse ateizmi gati gjithmonë domethënë pavarësi e
shëndoshë në të gjykuar, thënë shkurt e qartë, në fakt
ateizmi është mendja e shëndoshë.”
“Perëndia
e Dhiatës së Vjetër është ndoshta personazhi më i pakëndshme
në të gjithë letërsinë: xheloz dhe krenar, vrasës, qyqar, i
padrejtë dhe i pamëshirshëm; nxitësi i spastrimit etnik të
përgjakshëm; një harbut mizogjin, homofob, racist, foshnjëvrasës,
fëmijëvrasës, gjenocidist, shkatërruese, megaloman, sadomazohist
dhe i ligë sipas tekave të tij.”
"Mësojini
fëmijët tuaj si të mendojnë, jo çfarë të mendojnë."
"Nuk
hezitojmë të themi se një fëmijë është i krishterë apo
mysliman, kur në të vërtetë ata janë shumë të vegjël për të
kuptuar tema religjioze. Megjithatë, ne kurrë nuk do të ëndërronim
për të thënë se një fëmijë është keinesian apo marksist. Me
fe, megjithatë, bëhet përjashtim."
"Individët
njerëzor të cilët kanë më shumë fëmijë se sa ata mund të
rrisin, me siguri në shumicën e rasteve janë tepër injorantë dhe
nuk duhet akuzuar ata për shfrytëzim qëllimkeq."
"Ateizmi
është një aspiratë jo vetëm reale, por edhe fisnike dhe e
guximshme."
"Sa
bukur do t'ishte sikur kritikët e evolucionit të pengonin veten dhe
të mësonin së paku njohurit fillestare të lëndës që ata
kritikojnë."
"Shumica
e parlamentarëve janë njerëz të ligjit. Ata ata kanë një
mendësi të barabartë me zeron. Është e vështirë të
imagjinohet një parlament më armiqësor. "
"Shteti
i mirëqenies është ndoshta sistemi më altruist, që mbretëria e
kafshëve ka njohur ndonjëherë."
"Pa
fe ne të gjithë do të jemi më mirë. Do të jemi të lirë të
kremtojmë privilegjin që kemi pasur për të lindur: mirënjohës
për të jetuar një jetë, këtë, tokësore, duke braktisur
dëshirën prej fodulli se paska një të dytë, të përjetshme, pas
kësaj."
"Edhe
pse ateizmi mund të ketë qenë logjikisht i vlefshëm para
Darvinit, vetëm Darvini krijoi mundësinë për të pranuar
pikëpamjet ateiste me kënaqësi të plotë intelektual."
"Çdo
brez ka dështakët e vet darvinianë, por çdo individ vjen vetëm
nga pakicat të suksesshëm të brezit të mëparshëm."
“Ateizmi
është gati gjithmonë një shenjë pavarësie e shpirtit të
shëndoshë, madje është shpirt i shëndoshë.
"Fakti
që unë jam i bindur mbi evolucionit nuk ka të bëjë me
fundamentalizmin apo besimin fetar, sepse unë e di saktësisht se
çfarë kushte duhet të plotësohen në mënyrë që unë të
ndryshoj pikëpamjet e mia dhe unë do të bëja atë menjëherë,
kur faktet e nevojshme do të gjenden mbi tryezë. "
"Unë
jam kundërshtar i fesë. Ajo na mëson të jemi të kënaqur me atë
se ne nuk kuptojmë botën."
"Jeta
jonë është aq kuptimplote, aq e plotësuar, aq madhështore, ashtu
si e ndërtojmë ne atë. Dhe, ne mund të bëjmë vërtetë të
shkëlqyeshme."
“Ajo
që më pengon në religjion është se ai mëson njerëzit të jenë
të lumtur pa kuptuar arsyen.”
"Një
nga gjërat që janë të gabuara në religjion, është se ata na
mësojnë të kënaqemi me përgjigjet, që nuk janë përgjigje."
"Çdo
inteligjencës kreative, që është mjaft komplekse për të
krijuar diçka, është vetëm një produkt i një procesi të
gjatë të evolucionit gradual. Meqenëse inteligjenca kreative është
rezultat i evolucionit, ajo shfaqet në univers shumë vonë,
prandaj, ajo nuk ka mundur ta krijojë universin. Perëndia e
definuar në atë kuptimi është saktësisht një iluzion. "
"Ta
marrim me mend një botë në të cilën nuk ka religjione [...] -
nuk ka kamikazë, nuk ka 11 shtator, nuk ka sulme terroriste në
metron e Londrës, nuk ka kryqëzata, nuk ka persekutim të
shtrigave, nuk ka ndarje të Indisë, nuk ka luftë në mes hebrenjve
dhe palestinezëve, nuk ka masakra në mes serbeve / kroatëve /
myslimanëve, nuk ka persekutimit të hebrenjve si vrasës të
Krishtit, nuk ka probleme "në Irlandën e Veriut [...]"
Nga gjermanishtja
Lis
Bukuroca
