Ty me të dashurue

Ty me të dashurue

duhet me t'vështrue, 

si përjetim

me t' pa, 

si adhurim
e me t' hyjnizue, 

si dukuri
me t'lexue, 

si kënaqësi
me t' shfletue, 

si novelë

me t' shtjellue, 

si romancë

me t' zbërthye, 

si dashuri

me t' shpjegue, 

si epsh
me t'përkëdhel, 

si puhi

dhe me t' përqafue,

si shtrëngatë

dhe me flet me ty, 

si dalldi

e m'u zgjue n' ëndrrën time, 

si nuse

e m’u zgjue në ëndrrën tënde, 

si burrë

me një përqafim, 

si njohje fillestare

me një trëndafil, 

si takim i parë
me një përkulje, 

si mirënjohja

dhe me t'dashurue ty

duhet me të shikue n' sy,

me t' verbue si rreze dielli

dhe me t' dhurue një buzëqeshje, 

si ngashënjimi

dhe m'u kujdes për ty,

si për lulen e vetme në shkretëtirë...

Nga përmbledhja me poezi Hijedritat e jetës