Lis Bukuroca : Anekdota nga njerëzit e famshëm

Gotthelf Ephraim Lessing mori një paketë me tregime me titull „Pse jetoj unë?“ Aty gejndej edhe një letër, ku një shkrimtar i ri, i lutej Lessingut për vlerësimin. Ai lexoi tregimet dhe i shkroi: “Ju jetoni, pse m’i keni dërguar tregimet me postë dhe nuk i keni sjellë personalisht!“

Te Bertol Brecht erdhi një herë një djalë dhe tha:“Kam shumë ide në kokë dhe do të kisha shkruar një roman të mirë, por nuk kam idenë si t'ia nisë.“

“Është shumë e lehtë. Më së miri fillojani majtas, në skajin e epërm të fletës!“, i tha Brecht.

Te Honoré de Balzac erdhi zejtari për t’i kërkuar paratë për punën e kryer. Balzac i tha se tani nuk kishte para dhe e luti të vinte një herë tjetër. Zejtari u zemërua shumë dhe filloi të bërtasë: "Kur unë vij te ju, ju nuk jeni në shtëpi, dhe kur unë më në fund ju gjej, ju nuk keni para!" Belzac u përgjigj: "Kjo kuptohet vetvetiu. Po të kisha para, unë nuk do të kisha ndenjur në shtëpi!”

Në fazën fillestare të karrierës shkencore të Albert Einsteinit, një gazetar pyeti zonjën Einstein, çfarë mendonte ajo për burrin e vet. Ajo u përgjigj shkurt:” Burri im është gjeni! Ai di të bëjë çdo gjë, pos parave!”

Një nxënës ambicioz pyet Wolfgang Amadeus Mozartin, se si shkruan njeriu një simfoni. „Ju jeni akoma shumë i vogël, pse nuk nisni thjeshtë me këngë?“ Muzikanti i ri nuk lëshon pe dhe shtoi: “Por, ju keni komponuar simfonie qysh në moshën dhjetë vjeçare!”

“Kjo është e vërtetë”, tha Mozarti, “por unë nuk kam pyetur kurrë për mënyrën sesi duhet shkruar.”

Ernest Hemingway u zemërua me një shkrimtar, i cili kopjonte atë në mënyrë të paskrupullt. Një ditë prej ditësh Hemmigay tha: "... dreqit ia shkurtova këmbën. Për dy vite thjesht nuk shkrova asgjë dhe ai falimentoi!”

Një ditë shkrimtari i thatë George Bernard Shaw i tha kolegut të tij Gilbert Keith Chesterton: "Nëse një ditë do t'isha trashur si ju, do ta kisha varë veten!” Chesterton u përgjigj menjëherë: "Në qoftë se unë një ditë do të varë veten, do të përdor ty si litar!”

Kur Franz Kafka qe shtrirë për vdekje në sanatoriumin e Klosterneuburgut , afër Vjenës, shkrimtari Franz Werfel, i shkroi një letër mjekut që trajtonte atë, profesorit Hajek, ku i lutje të bëjë çdo gjë që është e mundur për ta shpëtuar shkrimtarin. Hajek firmos pranimin e letrës me këto fjalë:“ Më shkruan njëfarë Werfel, se unë duhet të bëj diçka për njëfarë Kafkën. Kush është Kafka, e di unë. Ai është pacienti në dhomën 12, por ku është ky Werfel?

Platoni pa Diogjenin duke larë perimet pranë një pusi dhe iu avit duke i pëshpëritur.”Sikur t’i kishe bërë lajka tiranit Dionis, nuk do të kishe pasur nevojë të lash perime.” Edhe Diogjeni i foli në vesh me zë të ulët: ”Sikur të kishe qenë në gjendje të lash perime, nuk do t’ishe bërë lajktar i asnjë Dionisi!”

G.B. Shaw i shkroi një ftesë Winston Churchillit, i cili pikërisht në atë kohë ishte dashur të japë dorëheqje: ” Shumë i nderua kryeministër, të shtunën e ardhshme do të shfaqet premiera e dramës time. Në këtë ditë ftoheni përzemërsisht. Në letër keni dy bileta.: një për ju, një tjetër për një mik, nëse keni një të tillë!

Churchill i përgjigjet: “Shumë i nderuar zoti Shaw, ju falenderoj për ftesën. Unë fatkeqësisht do ta shikoj shfaqjen e dytë, në qoftë se ju përjetoni atë ndonjëherë!“

Shkrimtari irlandez George Bernard Shaw i përgjigjet ftesës së Lady Longfellow me këtë telegram: "Për fat të keq nuk mundem. Rrena se pse, do të sqarohet me letër, më lirë."

Një llafazan dëshironte të mësojë retorikën nga Sokrati, por filozofi kërkoi prej tij honorarin e dyfishtë. Natyrisht llafazani deshi të kuptojë arsyen se pse ai duhet të paguajë më shumë se të tjerët. Sokrati u përgjigj:” Sepse ty duhet të mësojë si të folurit, po ashtu edhe të heshturit!”

Shkrimtarin francez Honoré de Balzac një natë e zgjoi nga gjumi një hajdut, që mundohej të hapte një sirtar në tryezën e tij të shkrimit. Balzac ia plasi gazit. Hajduti i trishtuar pyeti: “Pse po qesheni ashtu?” Balzac tha: “Sepse ju natën, me çelsin e gabueshëm dhe duke rrezikuar, kërkoni aty diçka që unë gjatë ditës, me çelësin e vërtetë dhe pa asnjë rrezik, nuk gjej gjë.“

Pasioni i Winston Churchill-it të shkëlqejë përmes fjalimeve, ishte punë e vështirë. Shumicën e fjalime i shkruante në vaskë. Një herë dëgjoi atë një shërbëtor duke folur me zë të lartë, futi kokën pakëz ndermjet derës dhe pyeti : "Dëshironi diçka shkëlqesi?"

"Nuk ju kam thirrur unë, Norman. Unë jam duke folur para Kuvendit Britanik!”, u përgjigj Churchill.

Një ditë vizitoi Marlyn Monroe Alber Einsteinin në Princeton dhe i bëri atij një ofertë interesante. Ata dy duhet të bënin një fëmijë. Me pamjen e saj dhe inteligjencën e Einsteinti, fëmija do t'i kishte dyert e hapura kudo. Einstein u përgjigj: “Por çfarë të bëjmë nëse fëmija merr pamjen time, por inteligjencën tënde?!“

Napoleon Bonaparata ngadhnjeu mbi çdo kundërshtar të Europës dhe në vitin 1812, ishte sunduesi i pathyeshëm. Fushata e tij e ardhshme kundër Rusisë, përfundoi në katastrofë për shkak të luftimeve të ashpra dhe dimrit të ftohtë.

Gjatë tërheqjes nga Rusia, Napoleoni ngutej për t'u kthyer në Francë. I veshur ndryshe, me adjutanitn arriti me një saj të keq në Njemen, për të vazhduar pastaj me një anije.
Ai pyeti kapitenin me kureshtje: "Kanë kaluar këtejpari shumë dezertorë?"
Kapiteni u përgjigj: "Jo, ju jeni i pari!"

Për dekada me radhë, arriti mbreti francez Lugji i XIV, Mbret i Diellit, të zgjerojë territorin e vet, deri kur në luftën spanjolle u përball me një koalicion e të gjitha fuqive europiane. Pas humbjes dërrmuese të trupave të tij në betejën e Ramillies, e cila çoi në tërheqje e francezëve nga Holanda, mbreti tha:
"Po, paska harruar perëndia krejt atë çfarë kam bërë unë për të?!"

Shqipëroi Lis Bukuroca

Libra nga Lis Bukuroca:

Kuptimi i jetës te amazon *

Kuptimi jetës te lulu **

Letër burrave (I )te amazon

Letër burrave (I) te lulu

Letër burrave (II) te amazon

Letër burrave (II) te lulu

Ngjyrat e dashurisë te amazon, roman vetëm për lexues të moshës madhore

Ngjyrat e dashurisë te lulu, roman vetëm për lexues të moshës madhore

Shtatë parimet e dashurisë

Hijedritat e jetës