Shtatë parimet e dashurisë

Akti i parë

me të parë shkrepi ndjenja

joshja farfuritëse flakërimë

në atë çast m’u mor mendja

trup e zemër në drithërimë

ajo rrahu me rrëmbim

gjersa kapja atë fanitje

të pash Ty me shqetësim

je e vërtetë apo përhitje

unë të shihja me brerore

flokëlëshuar e sy pulitur

ëmbëlake dhe hyjnore

me vrull vashëror e të ndritur

tutje krenare Ti vazhdon

gjoja ngasjen pa e shquar

trupi shpirtin s’të shpëton

thash me vete i menduar

...

Shtatë parimet e dashurisë, te lulu

Shtatë parimet e dashurisë tek amazon